ජනාධිපති මාධ්‍ය අංශය නිවේදනයක් නිකුත් කරමින් රුසියානු තානාපති යූරි මැටේරි (‍Yury Materiy) මහතා ජනාධිපති ගෝඨාභය රාජපක්ෂ මැතිතුමා ඊයේ(27) හමුවූ බව පවසයි.

කොළඹ, කොටුව ජනාධිපති මන්දිරයේ දී අදාල හමුව සිදුවූ බව පවසන ජානාධිපති මාධ්‍යය ඒකකය,ශ්‍රී ලංකාව හා රුසියාව අතර රාජ්‍ය තාන්ත්‍රික සබඳතාව සඳහා 2022 දී 65 වසරක් සැපිරෙන බවත් දෙරට අතර පවතින ශක්තිමත් රාජ්‍ය සබඳතාව සහ මිත්‍රත්වය සිහිපත් ජනාධිපතිතුමා කළ බවද පවසයි.

එහිදී ,ජනාධිපති ගෝඨාභය රාජපක්ෂ මහතා කොවිඩ් මර්දන ක්‍රියාවලියේ දී මෙන්ම අවැසි සෑමවිටම රුසියාවෙන් ලැබෙන සහාය පැසසුමට ලක් කළේය.

තේ සඳහා රුසියාවෙන් ඇති ඉල්ලුම තවදුරටත් වර්ධනය කර ගැනීම, සංචාරක කර්මාන්තය, ඉන්ධන, ගල් අඟුරු, ගෑස්, ගුවන් ගමන්, අධ්‍යාපන, වෙළෙඳාම, පොහොර ඇතුළු වැදගත් ආර්ථික ක්ෂේත්‍ර ගණනාවක් පිළිබඳව ජනාධිපතිතුමා සහ රුසියානු තානාපති යූරි මැටේරි මහතා අතර සාකච්ඡාවට ලක් කළ බවද ජනාධිපති මාධ්‍යය අංශය පවසයි.