ආපදා අධිරාජ්‍යවාදයේ ගොදුරක් නොවීම සඳහා කළ යුතු දේ පිළිබඳව දැක්වෙන ප්‍රකාශන ත්‍රිත්වයක් ජාතික සංවිධාන එකමුතුවේ මැදිහත් වීමෙන් ප්‍රකාශයට පත් කිරීම අද දින සිදු කිරීමට නියමිත බව ජාතික සංවිධාන එකමුතුව පවසයි. එම ග්‍රන්ථ ත්‍රිත්වය “අර්බුදය විසදිම සදහා 61 වැදෑරුම් සමාජ ගිවිසුම”, “21 වැනි ව්‍යයවස්ථා සංශෝධන මර උගුලට පය නොතබමු” සහ “ජාතියේ ඉරණම තීන්දු කරන 21 වන ව්‍යයවස්ථා සංශෝධනය” වේ. උත්සව අවස්ථාව මහාචාර්ය පූජ්‍ය ඉඳුරාගාරේ ධම්මරතන හිමි,මහාචාර්ය පූජ්‍ය මැදගොඩ අභයතිස්ස හිමි සහ ආචාර්ය ගුණදාස අමරසේකර මැතිතුමාගේ ආරාධනයෙන් ගරු කතානායක මහින්ද යාපා අබේවර්ධන මැතිතුමාගේ ප්‍රධානත්වයෙන් නිදහස් චතුරශ්‍රය අසල ජාතික පුස්තකාල සේවා මණ්ඩල ශ්‍රවණාගාරයේදී අද ( 30) සවස 03:00ට සිදු කිරීමට නියමිතය. උත්සවයේ ප්‍රධාන දේශනය ජ්‍යෙෂ්ඨ නීතිඥ කල්‍යානන්ද තිරාණගම මැතිතුමා විසින් සිදු කිරීමට නියමිතය. සමස්ත උත්සවය ලංකා ලීඩ් පුවත් අඩවිය අන්තර්ජාලය ඔස්සේ සජිවීව විකාශනය කිරීමට නියමිතය….