දේශීය පුවත්

ජාත්‍යන්තර මූල්‍ය අරමුදලේ (IMF) රාමුවට අනුකූලව වත්මන් ආර්ථික අර්බුදයෙන් මිදීමට ඕස්ට්‍රේලියානු රජය ශ්‍රී ලංකාවට සහාය දෙන බව ඔස්ට්‍රේලියාවේ ස්වදේශ කටයුතු ඇමතිනි ක්ලේයාර් ඔ’නීල් මහත්මිය පවසයි.

නිල සංචාරයක් සඳහා ශ්‍රී ලංකාවට පැමිණ සිටින ක්ලේයාර් ඔ’නීල් මහත්මිය අද (20) කොළඹ ජනාධිපති මන්දිරයේ දී ජනාධිපති ගෝඨාභය රාජපක්ෂ මහතා හමුවූ අවස්ථාවේදී මෙම අදහස් පළ කළ බව ජනාධිපති මාධ්‍ය අංශය පවසයි.

නීතිවිරෝධී සංක්‍රමණ සහ මිනිස් ජාවාරම් සඳහා වූ “සීරෝ චාන්ස්” ව්‍යාපාරය ඔස්ට්‍රේලියාවේ පසුගිය කොන්සර්වේටිව් රජයේ ප්‍රතිපත්තිය විය. කම්කරු පක්ෂය නියෝජනය කරන නව රජයේ ප්‍රතිපත්තිය ද එයම බව ඇය ප්‍රකාශ කළාය.

තමන් ආරක්‍ෂක ලේකම්වරයාව සිටියදී නීතිවිරෝධී සංක්‍රමණ වැළැක්වීම සඳහා ගෙන ඇති ක්‍රියාමාර්ග පිළිබඳව පැහැදිලි කළ ජනාධිපතිතුමා, නීතිවිරෝධී සංක්‍රමණ වැළැක්වීම සඳහා නාවික හමුදාව අවශ්‍ය ක්‍රියාමාර්ග ගනිමින් සිටින බව පැවසූ බව ජනාධිපති මාධ්‍යය ඒකකය පවසයි.

නාවික, තාක්ෂණික සහ ද්‍රව්‍යමය සහය ලබාදීම සඳහා ඔස්ට්‍රේලියානු රජය දක්වන සහයෝගය අගය කළ ජනාධිපතිතුමා මී දක්වා දෙරට සමීපව කටයුතු කරන බව ද සඳහන් කළේය.

ඉන්දියන් සාගරයේ ආරක්ෂාව සම්බන්ධයෙන් ඔස්ට්‍රේලියාව දැඩි අවධානයෙන් පසුවන අතර ඉන්දියන් සාගරය ආරක්ෂක කලාපයක් ලෙස පවත්වාගෙන යාමට ශ්‍රී ලංකා රජයේ උපරිම සහය ලබාදෙන බව ජනාධිපතිතුමා ප්‍රකාශ කළේය.

නාවික හමුදා සාමාජිකයින් 50 දෙනෙකු පමණ මේ වන විට විශේෂ පුහුණුවක් සඳහා ඕස්ට්‍රේලියාවේ සිටින බවද අනාවරණය විය. එවැනි පුහුණු අවස්ථා සහ ශ්‍රී ලංකා ආරක්ෂක අංශ සමඟ ඔවුන් දක්වන සහයෝගීතාව ජනාධිපතිතුමාගේ පැසසුමට ලක් විය.

රේගු පරිපාලනයේ පළපුරුද්ද තුළින් රාජ්‍ය ආදායම ඉහළ නැංවීමට සහ තිරසාර බලශක්ති උත්පාදන වැඩසටහනේ සාර්ථකත්වයට  සහය දැක්වීමට ඇය කැමැත්තෙන් සිටින බව ඇමතිනි ක්ලෙයාර් ඕ’නීල් මැතිණිය සහතික කළ බවද ජනාධිපති මාධ්‍යය ඒකකය පවසයි.

ධීවර නියාමනය, වෘත්තීය සහ කාර්මික අධ්‍යාපනය ප්‍රවර්ධනය සහ ජාත්‍යන්තර සිසුන්ගේ උසස් අධ්‍යාපනයේ කේන්ද්‍රස්ථානයක් බවට ශ්‍රී ලංකාව පත් කිරීමට තම රජය සහය වීමට සූදානම් බව ද ඇය ප්‍රකාශ කළ බවද ජනාධිපති මාධ්‍යය අංශය පවසයි.

ශ්‍රී ලංකාවේ ඕස්ට්‍රේලියානු මහ කොමසාරිස් ඈෂ්ලි ඇල්ඩර්ටන්, ශ්‍රී ලංකාවේ විදේශ කටයුතු අමාත්‍ය මහාචාර්ය ජී.එල්. පීරිස්, ජනාධිපති ලේකම් ගාමිණී සෙනරත්, ජනාධිපති ප්‍රධාන උපදේශක ලලිත් වීරතුංග, ආරක්ෂක ලේකම් කමල් ගුණරත්න, ලේකම් , විදේශ කටයුතු ප්‍රධානී අරුණි විජේවර්ධන යන මහත්ම මහත්මීන් මෙන්ම මෙම සාකච්ඡාව සඳහා ආරක්ෂක මාණ්ඩලික ජෙනරාල් ශවේන්ද්‍ර සිල්වා සහ නාවික හමුදාපති වයිස් අද්මිරාල් නිශාන්ත උළුගේතැන්න යන මහත්වරු ද එක්ව සිටියහ.



Leave a Reply

Your email address will not be published. Required fields are marked *

ප‍්‍රධාන පුවත්

22වන ආණ්ඩුක්‍රම ව්‍යවස්ථා සංශෝධනයේ අලුත්ම වෙනස්කම් මෙන්න

22 වන ආණ්ඩුක්‍රම ව්‍යවස්ථා සංශෝධන පනත් කෙටුම්පත අද පාර්ලිමේන්තුවට ඉදිරිපත් කෙරුණි. 19 වන ව්‍යවස්ථා සංශෝධනයේ ඇතුළත...


Read More

ගෝඨාභය ගැන තායිලන්තයෙන් නිවේදනයක්

ගෝඨාගේ ඉල්ලීමට තායිලන්තය අවසර දෙයි ශ්‍රී ලංකා හිටපු ජනාධිපති ගෝඨාභය රාජපක්ෂ තායිලන්තය වෙත පැමිණීමට අවසර ඉල්ලීමක් සිදුකර ඇති බව තා...


Read More

ජනපති රනිල්ගෙන් අනුර කුමාරට ලිපියක්

අනුර කුමාරගෙන් බලාපොරොත්තු වන දේ ජනපති කියයි ජාතික සර්වපාක්ෂික වැඩපිළිවෙළ සඳහා රට වෙනුවෙන් සහයෝගය ලබාදෙනු ඇතැයි බලාපොරොත්තු වන බව ජනාධිප...


Read More