දේශීය පුවත්

21 වන ආණ්ඩුක්‍රම ව්‍යවස්ථා සංශෝධනයට අද (20) අමාත්‍ය මණ්ඩලයේ අනුමැතිය ලැබී ඇති බව අමාත්‍ය හරීන් ප්‍රනාන්දු මහතා පවසයි.

ට්විටර් පණිවිඩයක් නිකුත් කරමින් ඔහු කියා සිටියේ ආණ්ඩුක්‍රම ව්‍යවස්ථා සංශෝධන කෙටුම්පත කැබිනට් මණ්ඩලයට ඉදිරිපත් කර සම්මත කළ බවත් එය නුදුරේදීම පාර්ලිමේන්තුවට ඉදිරිපත් කරන බවත්ය.

එය ඉදිරියට ගෙන යාම සම්බන්ධයෙන් අග්‍රාමාත්‍ය රනිල් වික්‍රමසිංහ මහතාට සහ අධිකරණ, බන්ධනාගාර කටයුතු සහ ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය ආචාර්ය විජයදාස රාජපක්ෂ මහතාට ද අමාත්‍යවරයා සිය කෘතඥතාව එම ට්විටර් පණිවිඩය මගින් පළ කර තිබේ.

කෙටුම්පත් යෝජනාව කිහිප වතාවක්ම අනුමත කිරීම ප්‍රමාද වීමෙන් පසු අද සවස පැවැත්වෙන සතිපතා කැබිනට් රැස්වීමේදී නැවත වරක් සාකච්ඡා කර අවසන් තීරණයකට එළැඹීමට නියමිත බව කියවුණි.

පසුගිය සතියේ පැවති කැබිනට් රැස්වීමෙන් අනතුරුව අධිකරණ අමාත්‍යවරයා පවසා ඇත්තේ මේ සම්බන්ධයෙන් තවදුරටත් දේශපාලන පක්ෂ නායකයින් දැනුවත් කිරීම අවශ්‍ය බවට තීරණය කළ බැවින් ව්‍යවස්ථා සංශෝධන සම්බන්ධයෙන් කැබිනට් මණ්ඩලය අනුමැතියක් නොදැක්වූ බවයි.

ඒ අනුව 21 වැනි සංශෝධනය සම්බන්ධයෙන් දේශපාලන පක්ෂ නායකයින් කිහිප දෙනෙකුට සවිස්තරාත්මකව දැනුවත් කිරීමට බලාපොරොත්තු වූ බවද විජයදාස රාජපක්ෂ මහතා පවසා තිබුණි.එලෙසම අමාත්‍ය මණ්ඩල අනුමැතිය ලැබුණු පසු එම සංශෝධන කෙටුම්පත ගැසට් කරන බවද අමාත්‍යවරයා පවසා තිබුණි.

21 වැනි සංශෝධනය ජූනි මස 06 වැනිදා ඇමැති විජයදාස රාජපක්ෂ මහතා විසින් කැබිනට් මණ්ඩලයට ඉදිරිපත් කළ අතර ඒ පිළිබඳ සාකච්ඡාව පසුගිය සතිය දක්වා කල් තැබිණි.

21 වැනි සංශෝධනයෙන් බලාපොරොත්තු වන්නේ විධායක ජනාධිපතිවරයා කෙරෙහි පාර්ලිමේන්තුවට බලය පැවරීම සහ 19 වැනි සංශෝධනය අහෝසි කිරීමෙන් පසු ජනාධිපතිවරයාට අසීමිත අසීමිත බලතල ලබා දී තිබූ ආණ්ඩුක්‍රම ව්‍යවස්ථාවේ 20වන සංශෝධනය අහෝසි කිරීමයි.

21 සංශෝධනයෙන් යටතේ ජනාධිපතිවරයා, අමාත්‍ය මණ්ඩලය සහ ජාතික සභාව පාර්ලිමේන්තුවට වග කිව යුතු අතර සංශෝධනය මගින් පිහිටුවනු ලබන කාරක සභා පහළොවක් සහ අධීක්ෂණ කාරක සභා ද පාර්ලිමේන්තුවට වගකිව යුතු ය.



Leave a Reply

Your email address will not be published. Required fields are marked *

ප‍්‍රධාන පුවත්

22වන ආණ්ඩුක්‍රම ව්‍යවස්ථා සංශෝධනයේ අලුත්ම වෙනස්කම් මෙන්න

22 වන ආණ්ඩුක්‍රම ව්‍යවස්ථා සංශෝධන පනත් කෙටුම්පත අද පාර්ලිමේන්තුවට ඉදිරිපත් කෙරුණි. 19 වන ව්‍යවස්ථා සංශෝධනයේ ඇතුළත...


Read More

ගෝඨාභය ගැන තායිලන්තයෙන් නිවේදනයක්

ගෝඨාගේ ඉල්ලීමට තායිලන්තය අවසර දෙයි ශ්‍රී ලංකා හිටපු ජනාධිපති ගෝඨාභය රාජපක්ෂ තායිලන්තය වෙත පැමිණීමට අවසර ඉල්ලීමක් සිදුකර ඇති බව තා...


Read More

ජනපති රනිල්ගෙන් අනුර කුමාරට ලිපියක්

අනුර කුමාරගෙන් බලාපොරොත්තු වන දේ ජනපති කියයි ජාතික සර්වපාක්ෂික වැඩපිළිවෙළ සඳහා රට වෙනුවෙන් සහයෝගය ලබාදෙනු ඇතැයි බලාපොරොත්තු වන බව ජනාධිප...


Read More