එක්සත් ජාතීන්ගේ මානව හිමිකම් මණ්ඩලයේ මධ්‍ය රටවල නියෝජිතයන් ලංකාව සම්බන්ධයෙන් ඒකාබද්ධ නිවේදනයක් නිකුත් කරමින් පවසා සිටින්නේ, 9 වැනිදා සිදුවූ සියලු ප්‍රචණ්ඩ ක්‍රියාවලට සම්බන්ධ වූවන් නීතිය හමුවට ගෙන එන ලෙසත්, සිවිල් සංවිධාන මර්දනය කිරීම වහාම නැවැත්විය යුතු බවත්ය.

එක්සත් ජාතීන්ගේ මානව හිමිකම් මණ්ඩලයේ මධ්‍ය රටවල තානාපතිනි රීටා ෆ්‍රෙන්ච් මහත්මිය විසින් මෙම නිවේදනය සිදු කොට ඇති අතර ඒ අනුව ලබන ‌සැප්තැම්බරයේ පැවැත්වෙන ජිනීවා මානව හිමිකම් සමුලුව වෙත මෙහි සවිස්තරාත්මක වාර්තාවක් ඉදිරිපත් කිරීමටද නියමිතය.

එක්සත් ජාතීන්ගේ මානව හිමිකම් මණ්ඩලයේ මධ්‍ය රටවල නියෝජිතයන් නිකුත් කළ සම්පූර්ණ නිවේදනය…

මෙම ප්‍රකාශය කැනඩාව, ජර්මනිය, මලාවි, මොන්ටිනිග්‍රෝ, උතුරු මැසිඩෝනියාව, එක්සත් රාජධානිය සහ ඇමරිකා එක්සත් ජනපදයෙන් සමන්විත මධ්‍ය සමූහය විසින් නිකුත් කරන ලද්දකි.

පසුගිය මාස කිහිපය තුළ ශ්‍රී ලංකාව මුහුණ දී ඇති සැලකිය යුතු අභියෝග ශ්‍රී ලාංකීය ජනතාවට දැඩි දුෂ්කරතා ඇති කරමින්න් තිබෙන බව අපි හඳුනා ගනිමු.

විරෝධතාකරුවන්, මෑත මාසවලදී සාමකාමීව රැස්වීමේ සහ ඇසුරේ නිදහස සහ අදහස් ප්‍රකාශ කිරීමේ නිදහස සඳහා ඔවුන්ගේ අයිතිවාසිකම් භාවිතා කර ඇති බව අපි සටහන් කරමු. සාමකාමී විරෝධතාකරුවන්ට ප්‍රචණ්ඩකාරී ප්‍රහාර එල්ල කිරීම සහ රජයට සම්බන්ධ දේශපාලනඥයන්ට සහ ආධාරකරුවන්ට එරෙහි ප්‍රචණ්ඩත්වය පිළිබඳව අපි දැඩි කනස්සල්ලට පත්ව සිටිමු. මෙම ප්‍රචණ්ඩත්වයට වගකිවයුත්තන් නීතිය හමුවට ගෙනා යුතුය.

ප්‍රජාතන්ත්‍රවාදය, මානව හිමිකම් සහ නීතියේ ආධිපත්‍යය තහවුරු කිරීමේ සහ ස්වාධීන ආයතන පවත්වාගෙන යාමේ තීරණාත්මක වැදගත්කම අපි අවධාරණය කරමු. දීර්ඝ කාලීන දණ්ඩමුක්තිය සහ දූෂණයට පිළියම් යොදන ලෙසත්, යහපාලනයේ සහ යහපත් ආර්ථික ප්‍රතිපත්තිවල අවශ්‍යතාවය අවධාරණය කරන ලෙසත් අපි ශ්‍රී ලංකා බලධාරීන්ගෙන් ඉල්ලා සිටිමු.

සිවිල් සමාජය නිරීක්ෂණය කිරීම සහ බිය ගැන්වීම සම්බන්ධයෙන් අපගේ උත්සුකයන් පවතින අතර සිවිල් සමාජ අවකාශය ආරක්ෂා කිරීමේ වැදගත්කම අපි අවධාරණය කරමු.

මධ්‍ය සමූහයේ මහ කොමසාරිස්වරිය සහ ඇයගේ කාර්යාලය සමඟ සහයෝගයෙන් කටයුතු කරන ලෙස ශ්‍රී ලංකාවෙන් ඉල්ලා සිටින අතර මානව හිමිකම් කවුන්සිලයේ 46/1 යෝජනාව ක්‍රියාත්මක කිරීම සඳහා ශ්‍රී ලංකාවට සහාය වීමට සූදානම්ය.