සේවක අර්ථසාධක අරමුදල (EPF) හෙවත් ශ්‍රී ලංකාවේ විශාලතම හා වඩාත්ම පුළුල් සමාජ ආරක්ෂණ යෝජනා ක්‍රමය විසින් කොළඹ කොටස් වෙළෙඳපොළෙහි ලැයිස්තුගත සමාගම්වල සිදුකර ඇති ආයෝජනයන් හි ‍වෙළෙඳපොළ වටිනාකම, 2022 පළමු කාර්තුව තුළ දී දැවැන්ත ලෙස පහළ ගොස් ඇති බව වාර්තා පවසයි.

කොළඹ කොටස් වෙළෙඳපොළේ ලැයිස්තුගත සමාගම් කොටස් 66 ක සේවක අර්ථසාධක අරමුදල විසින් කර තිබූ ආයෝජනවල වෙළෙඳපොළ වටිනාකම 2021 දෙසැම්බර් 31 දින වන විට රු. බිලියන 111.96 ක් වූ බව එම වාර්තා පවසයි.
කොටස් වෙළෙඳ පොලේ කඩා වැටීම හේතුවෙන් මෙම අගය 2022 මාර්තු 31 දින වන විට රු. බිලියන 76.48 ක් දක්වා රු. බිලියන 35.48 කින් පහළ ගොස් තිබෙන බවද එම වාර්තා පවසයි.
එම අගය රු. කෝටි 3,548 ක වත්කම් පහළ යාමක් වන අතර ප්‍රතිශතයක් ලෙස 31.68% ක අගය අඩු වීමකි.