නීතිවිරෝධීව මහ පරිමාණයෙන් ඉන්ධන ගබඩා කර සඟවාගෙන සිටි පුද්ගලයෙක්ව පොලිස් විශේෂ කාර්ය බළකාය විසින් අත්අඩංගුවට ගෙන තිබේ.

සැකකරු ගාල්ල ප්‍රදේශයේ පදිංචි වයස අවුරුදු 50ක පමණ පුද්ගලයෙකි.

ඉන්ධන පිරවූ අදාළ බවුසර් රථය ද එහිදී පොලිස් විශේෂ කාර්ය බළකා නිලධාරීන් භාරයට ගෙන ඇත.

අද (07) දින සපුගස්කන්ද ප්‍රදේශයේ දී පුද්ගලික ආයතනයක් තුළදී මෙම වැටලීම සිදුකර තිබුණි.

සිද්ධිය සම්බන්ධයෙන් වැඩිදුර විමර්ශන සඳහා සැකකරුව සපුගස්කන්ද පොලිස් ස්ථානය වෙත භාරදී තිබේ.

STF නිලධාරීන් පැවසුවේ අදාළ බවුසරය තුළ රුපියල් ලක්ෂ 14කට අධික ඉන්ධන තොගයක් එලෙස ගබඩා කර තිබූ බවය.

පොලිස් විශේෂ කාර්ය බළකා ගෝනහේන කඳවුරේ නිලධාරීන්ට ලද බුද්ධි තොරතුරකට අනුව වැටලීම සිදුකර තිබේ.