අන්තර්ජාල නාලිකාවක් සමග සිදු කළ සාකච්ඡාවකට එක්වෙමින්, පොදුජන පෙරමුණ පාර්ලිමේන්තු මන්ත්‍රි මහාචාර්ය චරිත හේරත් මහතා ජනාධිපති ගෝඨාභය රාජපක්ෂ මහතා විසින් රනිල් වික්‍රමසිංහ මහතාට අගමැති ධුරය ලබා දුන්නේ පොදුජන පෙරමුණේ බහුතරය මතය විමසා නොවන බව පැවසුවේය.

එහිදී මාධ්‍යයවේදියා නැගූ ප්‍රශ්නයකට පිලිතුරු දෙමින් “පසුගිය කාලය මුළුල්ලේම පොදුජන පෙරමුණේ සහ ආණ්ඩු පක්ෂයේ පිරිස් මහ බැංකු බැඳුම්කර වංචාව සම්බන්ධයෙන් රනිල් වික්‍රමසිංහ මහතා ඉලක්ක කරගනිමින් සිදුකළ චෝදනා තිබුණා. මහ බැංකුව මහ දවල් බිඳදැමූ හොරා ලෙස අපහාස උපහාසට වික්‍රමසිංහ මහතා ලක් කළා. චෝදනාව එල්ල කළ පාර්ශවයම බලයේ සිටියදී නැවත වතාවක් රටේ අග්‍රාමාත්‍ය ධූරයට රනිල් වික්‍රමසිංහ මහතා පත්කොට මහ බැංකුව ඇතුළු විෂයන්ද ඇතුළුව මුදල් අමාත්‍ය ධූරය ද ප්‍රදානය කළා. ඒ අනුව රනිල් වික්‍රමසිංහ මහතා අගමැති බවට පත් කිරිමේ තීරණය ජනාධිපතිවරයා විසින් තනි කැමැත්තට ගනු ලැබූවක්.එදා මහ බැංකුව බිඳ දැමූ බවට චෝදනා එල්ල කළ රනිල් වික්‍රමසිංහ මහතාට මේ රටේ ආර්ථිකය ගොඩ දැමිය හැකි බවට විශ්වාසයක් ගෝඨාභය රාජපක්ෂ ජනාධිපතිවරයාට තිබෙනවා.” යනුවෙන් පැවසුවේය.