චීනය විසින් ලබා දෙනු ලබන ඖෂධ තොගයක් හෙට (ජූනි 3) මෙරටට ලැබීමට නියමිත බව කොළඹ පිහිටි චීන තානාපති කාර්යාලය පවසයි.

ට්විටර් පණිවිඩයක් නිකුත් කරමින් එම කාර්යාලය සඳහන් කළේ, යුවාන් මිලියන 10ක් වටිනා ජීවිතාරක්ෂක ඖෂධයක් වන Enoxaparin Sodium එන්නත් 512,640ක් අදියර දෙකකින් මෙරටට ලබා දීමට නියමිත බව ය.

ඒ අනුව, ඉන් එන්නත් 256,320ක් හෙට මධ්‍යම රාත්‍රියේ මෙරටට ලැබීමට නියමිත බව චීන තානාපති කාර්යාලය පැවසීය.

එම ඖෂධ තොගය මාස 6ක කාලය ප්‍රමාණවත් වනු ඇති බව එහි තවදුරට ත් සඳහන් කර ඇත.

චීනය විසින් මෙරටට ලබා දෙනු ලබන යුවාන් මිලියන 500ක ප්‍රදානයේ පළමු ඖෂධ තොගය එය වේ.