හෙට දිනයේදී Litro ගෑස් සිලින්ඩර් 10,000ක් පමණක් නිකුත් කරන බව එම සමාගමේ සභාපති විජිත හේරත් මහතා පවසයි.

ඔහු ප්‍රකාශ කළේ, එම ගෑස් සිලින්ඩර් සංඛ්‍යාව කොළඹ 1 සිට කොළඹ 15 දක්වා ප්‍රදේශවලට පමණක් බෙදා හරින බව ය.

ඒ අනුව, දිවයිනේ සෙසු ප්‍රදේශවල ජනතාවගෙන් සභාපතිවරයා ඉල්ලා සිටින්නේ, ලබන අඟහරුවාදා (ජූනි 07) වන තුරු ගෑස් ලබා ගැනීමේ අරමුණින් පෝලිම්වල රැඳී නොසිටින ලෙස ය.

හෙට දිනයේදී ගෑස් සිලින්ඩර් 10,000 බෙදා හැරීමෙන් පසු රට තුළ ගෑස් අවසන් වන බව ද ඔහු පැවසීය.

ලබන සඳුදා දිනයේදී ගෑස් රැගත් නෞකාවක් මෙරටට ළඟා වන අතර එය පැමිණියහොත් අඟහරුවාදා දිනයේ සිට යළි ත් ගෑස් බෙදා හැරීම ආරම්භ කරන බව ඔහු පැවසීය.