බණ්ඩාරගම – අටුළුගම ප්‍රදේශයෙන් ඊයේ උදෑසන සිට අතුරුදන් වූ බව කියන නව හැවිරිදි ෆාතිමා අයිෂා දැරියගේ සිරුර ඇයගේ නිවසට ආසන්න වගුරු බිමක තිබී සොයා ගත් බව බණ්ඩාරාගම පොලීසිය පවසයි.

ඇයගේ දේහය ප්‍රදේශවාසීන් විසින් අද (මැයි 28) සවස ගොඩගනු ලැබූ බවද පොලිස වාර්තා පවසයි.

ෆාතිමා අයීෂා ඊයේ පෙරවරු 10.00 සිට අතුරුදන්ව සිටි අතර ආහාර ද්‍රව්‍ය කිහිපයක් මිලදී ගැනීමට අසල වෙළෙඳසැලකට ගිය දැරිය ආපසු නිවසට නොපැමිණීම හේතුවෙන් දෙමව්පියන් විසින් පොලිසියට පැමිණිල්ලක් කර ඇත. සීසීටීවී කැමරාවකින් ලබාගත් දර්ශනවල දැක්වෙන්නේ දැරිය ආහාර මිලට ගෙන වෙළඳසැලෙන් පිටව යන ආකාරයයි.

මේ වන විට දැරියගේ අතුරුදන්වීම සම්බන්ධයෙන් බණ්ඩාරගම පොලිසිය, පානදුර පොලිසියේ අපරාධ විමර්ශන අංශය සහ බුද්ධි අංශ නිලධාරීන් එක්ව පරීක්ෂණ ආරම්භ කර ඇත. මේ අතර අතුරුදන් වූ දැරිය සොයා ගැනීමට පොලිස් කණ්ඩායම් හතරක් යොදවා තිබුණි.

දැරිය අතුරුදන් වීම සම්බන්ධයෙන් ඇයගේ පියා දීර්ඝ ප්‍රශ්න කිරීම්වලට මුහුණ පා සිටින බව මීට පෙර වාර්තා විය.