21 වන ආණ්ඩුක්‍රම ව්‍යවස්ථා සංශෝධනය පිළිබද අගමැති සහ ස්වාධීන පක්ෂ එකතුව අතර හමුවෙන් පසු පිවිතුරු හෙළ උරුමයේ නායක නීතිඥ උදය ගම්මන්පිල මහතා මාධ්‍යය වෙත අදහස් දක්වමින් පවසා සිටියේ ,13 වන ව්‍යවස්ථා සංශෝධනය, 17 වන ව්‍යයවස්ථා සංශෝධනය වගේම 19 වන ව්‍යයවස්ථා සංශෝධනය ඉදිරිපත් කළ ක්‍රියාවලිය තුල කාරක සභා අවස්ථාවේදී “යටින් ගේම්” ගසනු දක්නට ලැබුණු බවයි. ඒ අනුව මෙම 21 වන ආණ්ඩුක්‍රම ව්‍යයවස්ථා සංශෝධනයේදී එවැනි ක්‍රියා වලට ඉඩ නොතබන ලෙස අගමැතිවරයාගෙන් ඉල්ලා සිටි බවද පවසා සිටියේය.
එසේම වැඩිදුරටත් කරුණු දක්වමින් යම් පනතක් සම්මත වූ පසු ද  ව්‍යවස්ථාවට යම් අනනුකූලත්වයක් ඇති බවට ප්‍රශ්නයක් ඇත්නම් එයට එරෙහිව අධිකරණයට යාමේ හැකියාව පැවතිය යුතු බව අගමැතිවරයාට අවධාරණය කළ බවද පවසා සිටියේය.