මහින්ද රාජපක්ෂ මහතා වෙනුවට රනිල් වික්‍රමසිංහ පත් කිරීමෙන් වත්මන් ආර්ථික අර්බූදය විසඳිය හැකිදැයි ලංකා ලීඩ් වෙබ් අඩවිය ජාතික සංවිධාන වල මතය විමසන ලදී. මේ එහි මාධ්‍යය ප්‍රකාශක වෛද්‍යය වසන්ත බණ්ඩාර මහතාගේ පැහැදිලි කිරීම ඔහුගේම වචනයෙන්,

” රනිල් වික්‍රමසිංහ කියන්නේ ජාතික බලවේගයට ගෞරවණීය හතුරෙක්. ඔහු හොරෙක් නොවෙයි.ඒත් මේ රටේ හොරකම ආයතනගත කිරීම සඳහා දායක වූ නායකයින් අතරින් අද ජීවත් වන ප්‍රමුඛයා. ඔහුට අත්දැකීම් තියෙනවා නව ලිබරල් ක්‍රියාන්විත්යේ මානසික වහලෙක් සහ අතවැසියෙකු ලෙස ඒ ගැන විවාදයක් නැහැ. අද පවතින ආර්ථික අර්බූදය, විශේෂයෙන්ම විදේශ විනිමය අර්බූදය නිර්මාණය කරන්න දැනට ජීවත්වන නායකයන් අතරින් ඉහළම දායකත්වය දැක්වූ පුද්ගලයා. 2015 සිට 2019 දක්වා වානිජ ණය ඩොලර් මිලියන 12,500ක් නිකුත් කළා. ඒ මගින්   පියන් කෙනෙකුට වුවත් ගෙවන කොමිස් මුදල 0.5%ක්. ඒ අනුව ඒ මගින් කවුරු හෝ ලබාගත් කොමිස් මුදල බැඳුම්කර වංචාවට සමානයි.අද පවතින විදේශ විනිමය අර්බූදයට කෙටිකාලීනව රට තල්ලු කිරීමට හේතු වුණේ ඒ ආකාරයට ඉහළ පොලියට ඉතිහාසයේ වැඩිම බැඳුම්කර නිකුත් කිරීම.1978 සිට නඩත්තු කළ නව ලිබරල් මොඩලය වත්මන් අර්බූදයට මූලික හේතුවක්.රනිල් වික්‍රමසිංහ මහතා එම ක්‍රියාන්විතයේ පීතෲවරයෙක්.ඔහු අගමැති කරල ප්‍රශ්නය විසඳන්න පුළුවන් කියල හිතන්නේ දෙවියන්ගේ හෝ ප්‍රේතයන්ගේ සහල් කැවුණු දේශපාලන නායකයන් කියල තමයි කියන්න තියෙන්නේ.”