කොළඹ ඇතුළුව දිවයිනේ ප්‍රදේශ කිහිපයකදී ඇතිවූ ගැටුම හේතුවෙන් පොලිස් නිලධාරියෙකු ඇතුළුව පුද්ගලයින් 07 දෙනෙකු ජිවිතක්ෂයට පත්ව ඇති බව වාර්තා වේ.

කොළඹ දී ඇතිවූ ගැටුම් හේතුවෙන් තුවාල ලැබූ පුද්ගලයෙකු කොළඹ ජාතික රෝහලට ඇතුලත් කිරීමෙන් අනතුරුව හෘදයාබාධයක් හේතුවෙන් ජිවිතක්ෂයට පත්ව ඇත.

මේ අතර 28 හැවිරිදි උප පොලිස් පරීක්ෂකවරයෙකු කඳුළු ගෑස් විදින තුවක්කුවක් පිපිරීමෙන් කොළඹ ජාතික රෝහලට ඇතුලත් කිරීමේදී මියගොස් ඇත.

නිට්ටඹුව ප්‍රදේශයේදී පාර්ලිමේන්තු මන්ත්‍රී අමරකීර්ති අතුකෝරළ සහ ඔහුගේ ආරක්ෂක නිලධාරියා ජිවිතක්ෂයට පත්වූ අතර එහිදී මන්ත්‍රීවරයාගේ පාර්ශවයෙන් සිදුකළ වෙඩි තැබීමෙන් තරුණයෙකු ජිවිතක්ෂයට පත්ව ඇත.

මේ අතර වීරකැටිය ප්‍රාදේශීය සභාවේ සභාපතිවරයාගේ නිවස අසල පැවති විරෝධතාවයකදී එල්ලවූ වෙඩි ප්‍රහාරයකින් පුද්ගලයින් 08 දෙනෙකු තුවාල ලබා ඇත.

මේ අතර කොළඹ ඇතිවූ ගැටුම් හේතුවෙන් තුවාල ලැබූ පුද්ගලයින් 216ක් කොළඹ ජාතික රෝහලට ඇතුලත් කර ඇත. ඉන් 05 දෙනෙකු දැඩි සත්කාරක ඒකකයේ ප්‍රතිකාර ලබන බව රෝහල් ආරංචි මාර්ග සඳහන් කරයි.