ඊයේ (09) පස්වරු 7.00 සිට ක්‍රියාත්මක වන පරිදි දිවයින පුරා පැනවූ ඇඳිරි නීතිය ලබන බදාදා (මැයි 11) පෙරවරු 7.00 දක්වා දීර්ඝ කර ඇති බව ජ්නාධිපති මාධ්‍යය අංශය පවසයි.

ජනාධිපති මාධ්‍ය අංශය (ඵ්Mඪ්) නිවේදනයක් නිකුත් කරමින් මේ බව සඳහන් කළේය.

කෙසේ වුවද මහජන ආරක්ෂක ආඥාපනතේ 16 වැනි වගන්තියේ විධිවිධාන අනුව ප්‍රකාශයට පත් කර ඇති ඇඳිරි නීතිය නියෝගය අද (මැයි 10) පෙරවරු 7.00 ට ඉවත් කිරීමට නියමිතව තිබිණි.

“විශේෂිත බලයලත් නිලධාරියෙකු විසින් නිකුත් කරන ලද ලිඛිත බලපත්‍රයක් යටතේ හැර පොදු මාර්ගයක, දුම්රිය මාර්ගයක, පොදු උද්‍යානයක, පොදු ක්‍රීඩා පිටියක හෝ වෙනත් පොදු ප්‍රදේශයක හෝ වෙරළ තීරයක රැඳී සිටීමට කිසිවෙකුට අවසර නැත,” යනුවෙන් ජනාධිපති මාධ්‍යය අංශය නිකුත් කළ මාධ්‍යය නිවේදනයේ සඳහන් වේ.