ලංකා ඛනිජ තෙල් නීතිගත සංස්ථාව අනුගමනය කරමින් ලංකා අයි ඕ සී සමාගමද තම ඉන්ධන පිරවුම්හල් වලින් ඉන්ධන නිකුත් කිරීම සීමා කිරීමට තීරණය කර ඇත.

ඒ අනුව මෙම පියවර හෙට සිට ක්‍රියාත්මක බව කියවේ. යතුරුපැදි සඳහා එක් වරකට රුපියල් 2,000 ක් වටිනා ඉන්ධන ප්‍රමාණයක්ද,ත්‍රිරෝද රථ සඳහා වරකට රු. 3000ක් වටිනා ඉන්ධන ප්‍රමානයක්ද කාර්, වෑන් සහ එස් යූ වී වාහන සඳහා එක් වරකට රු. 8,000 ක් වටිනා ඉන්ධන ප්‍රමානයක්ද නිකුත් කිරීමට තීරණය කර ඇති බව එම සමාගම පවසයි.

කෙසේ වෙතත්, වාණිජ කටයුතු සඳහා භාවිතා කරන බස් රථ, ලොරි සහ අනෙකුත් වාහන සඳහා මෙම සීමාවන් අදාළ නොවන බවද පැවසේ.

ඉන්ධන හිඟයක් ඇතිවීම වැළැක්වීමට සහ ඉන්ධන ආශ්‍රිත අක්‍රමිකතා මැඩලීමේ අරමුණින් ලංකා ඛනිජ තෙල් නීතිගත සංස්ථාව මැයි 05 වැනිදා සිට වාහනවලට ඉන්ධන නිකුත් කිරීම සීමා කළේය.