හිටපු අමාත්‍ය බැසිල් රාජපක්ෂගේ දේපළවලින් වැඩි ප්‍රමාණයක් පැන්ඩෝරා පත්‍රවල නම් තිබෙන හිටපු අමාත්‍ය නිරූපමා රාජපක්ෂගේ සැමියා වන තිරුකුමාර් නඩේසන් යටතේ ලැයිස්තුගත කර ඇති බව ජනතා විමුක්ති පෙරමුණේ නායක (ජවිපෙ) පාර්ලිමේන්තු මන්ත්‍රී අනුර කුමාර දිසානායක මහතා පවසයි.

ඔහු මේ බව සඳහන් කළේ පසුගිය දශක දෙකක කාලය තුළ ශ්‍රී ලංකාවේ දේශපාලඥයින් විසින් සිදු කරන ලද දූෂණ හා වංචා පිළිබඳ හෙළි කිරීම සඳහා අද (මැයි 03) කැඳවා තිබූ විශේෂ මාධ්‍ය හමුවකදීය.

ගිං -නිල්වලා ගඟා හැරවුම් ව්‍යාපෘතිය සම්බන්ධව අදහස් දක්වමින් අනුර කුමාර දිසානායක මන්ත්‍රීවරයා කියා සිටියේ වාරිමාර්ග අමාත්‍යාංශය විසින් ගෙවා ඇති මුළු මුදල 2015 මහ මැතිවරණයට පෙර එනම් 2014 දෙසැම්බර් 24 සහ 2015 ජනවාරි 06 අතර වාරික කිහිපයක් ලෙස සීමාසහිත ඡින CඇMC ඉංජිනේරු සමාගමට රුපියල් මිලියන 4,100ක් ලබා දී ඇති බවයි.

මෙම චීන සමාගම පසුව අවස්ථා කිහිපයකදී නඩේසන්ට අයත් සමාගමකට ඇමෙරිකානු ඩොලර් මිලියන 5ක් ලබාදී ඇති බවද ඔහු අනාවරණය කළේය. පසුව අදාළ සමාගම කොල්ලුපිටියේ ප්‍රාදේශීය බැංකුවකට මුදල් මාරු කර මෙම ගිණුමේ තැන්පත් කළ මුදලින් මල්වාන ප්‍රදේශයේ කුප්‍රකට ඉඩම මිලදී ගත් බවද ජනතා විමුක්ති පෙරමුණේ නායකයා වැඩිදුරටත් කියා සිටියේය.

ජාතික ගුවන් සේවයට සහ යුරෝපය පදනම් කරගත් එයාර්බස් සමාගමට අයත් ඩොලර් බිලියන ගණනක ගුවන් යානා මිලදී ගැනීමේදී සිදුවූ බව කියන මූල්‍ය අක්‍රමිකතා සම්බන්ධයෙන්, ගිවිසුම අත්සන් කිරීම පිළිබඳ ශ්‍රී ලංකන් ගුවන් සමාගමේ අධ්‍යක්ෂ මණ්ඩල රැස්වීම පැවතියේ එවකට කාතානයකවරයා වූ චමල් රාජපක්ෂ මහතගේ නිල නිවසේදී බව මන්ත්‍රීවරයා පැවසීය. චමල් රාජපක්ෂ මහතාගේ පුත්‍රත්‍රයා ශ්‍රී ලංකන් ගුවන් සේවාවේ අධ්‍යක්ෂ මණ්ඩලයේ ද සාමාජිකයෙකු වූ බවද ඔහු පවසා සිටියේය.

සමස්ත ප්‍රසම්පාදන වටිනාකම ඇමෙරිකානු ඩොලර් බිලියන 2.2ක් බවත් එය හම්බන්තොට වරාය ඉදිකිරීම සඳහා වූ ඇමෙරිකානු ඩොලර් බිලියන 1.3 ඉක්මවා ගිය ශ්‍රී ලංකා ඉතිහාසයේ විශාලතම ප්‍රසම්පාදනය බවත් ඔහු පැවසීය.

වැඩිදුරටත් මාධ්‍ය හමුවට එක්වෙමින් දිසානායක මන්ත්‍රීවරයා කියා සිටියේ එයාර්බස් සමාගම ඩොලර් මිලියන 16කට අධික අල්ලස් මුදලක් ලබාදීමට එකඟ වූ නමුත් රජය වෙනස් වූ නිසා අත්තිකාරම් වශයෙන් ගෙවා ඇත්තේ එකඟ වූ මුදලින් ඩොලර් මිලියන 2ක මුදලක් පමණක් බවද පැවසීය.

එවකට ශ්‍රී ලංකන් ප්‍රධාන විධායක නිලධාරී කපිල චන්ද්‍රසේන මහතාගේ බිරිඳට අයත් බෲනායි හි ගිණුමකට මුලින් ගෙවූ එම මුදල් පසුව ඔස්ට්‍රේලියාවේ ගිණුමකට යොමු කර ඉන් කොටසක් පසුව ශ්‍රී ලංකාවේ නිමල් පෙරේරා නැමති දේශීය ව්‍යාපාරිකයෙකුගේ නමින් ඇති ගිණුම් තුනක තැන්පත් කර ඇති බවද ඔහු පැවසීය.

ආණ්ඩු වෙනස් වීමෙන් පසු ජාතික ගුවන් සේවයට නව ප්‍රධාන විධායක නිලධාරියෙකු පත් කරන ලද නමුත් දින 2018 පැවැති දින 52 ක ආණ්ඩු සමයේදී ව්‍යවස්ථාවේදී එවකට ජනාධිපති මෛත්‍රීපාල සිරිසේන විසින් රනිල් වික්‍රමසිංහ බලයෙන් පහ කිරීමෙන් පසු අගමැති ලෙස පත් කරන ලද මහින්ද රාජපක්ෂ මහතා විසින් නැවත වතාවක් කපිල චන්ද්‍රසේන ශ්‍රී ලංකන් ගුවන් සේවයේ ප්‍රධාන විධායක නිලධාරියා ලෙස පත් කළ බව ජවිපෙ නායකයා තවදුරටත් පැවසීය.

අමාත්‍ය මණ්ඩලයේ අනුමැතිය ලබා නොගෙන ඉන්ධන ටැංකි හතරක පමණ වියදම වන ඇමෙරිකානු ඩොලර් මිලියන 115ක වියදමින් එයාර් බස් ගනුදෙනුව අවලංගු කිරීමට යහපාලන රජය පසුව උත්සාහ කළ බවද ඔහු අවධාරණය කළේය.

2013 වසරේ වොෂින්ටන් නුවර නව තානාපති කාර්යාල ගොඩනැගිල්ලක් මිලදී ගැනීමේදී ශ්‍රී ලංකා රජයට ඩොලර් 332,027 ක මුදලක් පාඩු කිරීමට උත්සාහ කළ බවට පසුගියදා වරද පිළිගත් අමෙරිකාවේ හිටපු ශ්‍රී ලංකා තානාපති ජාලිය වික්‍රමසූරිය මහතා මහින්ද රාජපක්ෂ මහතාගේ ඥාතියෙක් බවද දිසානායක මහතා වැඩිදුරටත් අනාවරණය කළේ ය.

ජාලිය වික්‍රමසූරිය ශ්‍රී ලංකා ප්‍රජාතන්ත්‍රවාදී සමාජවාදී ජනරජයේ එක්සත් ජනපදයේ සහ මෙක්සිකෝවේ තානාපතිවරයා ලෙස 2008 සිට 2014 දක්වා කටයුතු කළේය.

ජනතා විමුක්ති පෙරමුණේ නායකයා, බලපෑම් කිරීම සහ මැතිවරණ ප්‍රචාරක දායකත්වය පිළිබඳ අපරාධ, බදු පැහැර හැරීම් සහ යුක්තියට බාධා කිරීම සම්බන්ධයෙන් වසර 12ක සිර දඬුවම් නියම වූ එක්සත් ජනපද වැසියෙකු වන ඉමාද් ෂා සුබේරි සමඟ හිටපු මහ බැංකු අධිපති අජිත් නිවාඩ් කබ්රාල්ගේ සම්බන්ධය ගැන ද කතා කළේය.

එක්සත් ජනපදයේ ශ්‍රී ලංකාවේ ප්‍රතිරූපය පුනරුත්ථාපනය කිරීම සඳහා සුබේරි 2014 දී කුලියට ගෙන ඇත. එක්සත් ජනපද රාජ්‍ය දෙපාර්තමේන්තුවට අනුව සුබේරි උත්සාහයන්, නීතිමය වියදම් සහ මාධ්‍ය මිලදී ගැනීම් සඳහා සැලකිය යුතු වියදම් දැරීමට පොරොන්දු වී ඇති අතර, එය 2014 දී මාස හයක කාලය තුළ සුබේරි වෙත ඩොලර් මිලියන 8.5 ක මුළු මුදල ගෙවීමට එකඟ වීමට ශ්‍රී ලංකාව පොළඹවා ඇත. ලංකා විසින් ඇමෙරිකානු ඩොලර් මිලියන 3.5 ක මූලික ගෙවීමක් කළ අතර සුබේරි ඔහුගේ පුද්ගලික තැරැව්කාර ගිණුම් වෙත ඇමෙරිකානු ඩොලර් මිලියන 1.6 ක් මාරු කර ඇති අතර තවත් ඇමෙරිකානු ඩොලර් මිලියන 1.5 ක් නිශ්චල දේපල මිලදී ගැනීමට භාවිතා කළේය.

දිසානායක මන්ත්‍රීවරයා චෝදනා කළේ එවකට මහ බැංකු අධිපතිවරයා ලෙස කටයුතු කළ කබ්රාල් විසින් සුබේරි සමාගමට ඩොලර් මිලියන 6.5ක මුදලක් ලබාදී ඇති බවයි.