චන්න ජයසුමන මහතාගේ “ෆේස් බුක්” පිටුවෙන්,
“පසුගිය දින කිහිපය තුල, මාස කිහිපයක් ණයවර ලිපි (LC) විවෘත කිරීමට නොහැකිව තිබු ඖෂධ සහ ශල්‍ය උපාංග සඳහා ණයවර ලිපි විවෘත කර ගැනීමට අපට හැකි විය. ඇමෙරිකානු ඩොලර් මිලියන 19.2 අදාලව ඖෂධ 186ක් සඳහාත්, යුරෝ 175,000 අදාල වන ඖෂධ සහ ශල්‍ය උපාංග 12 ක් සඳහාත්, ශ්‍රී ලංකා රුපියල් බිලියන 3.7 අදාල වන ඖෂධ, ශල්‍ය උපාංග සහ වෛද්‍ය පාරිභෝජක ද්‍රව්‍ය 73 ක් සඳහාත් එසේ ණයවර ලිපි විවෘත කෙරිණි.
ඉන්දියානු රජය පරිත්‍යාගයක් ලෙස ලබා දෙන ඖෂධ සහ ශල්‍ය උපාංග වර්ග 101 ක් ඉන්දීය නාවික හමුදාවට අයත් ගාරියල් නෞකාවෙන් ලබන බදාදා (27) ශ්‍රී ලංකාවට ලඟා වේ.
ඉන්දුනීසියානු රජය ලබා දුන් ශ්‍රී ලංකා රුපියල් මිලියන 340 වටිනා අත්‍යවශ්‍ය ඖෂධ පරිත්‍යාගයද සතියක් ඇතුලත ශ්‍රී ලංකාවට ලැබේ.
ලෝක සෞඛ්‍ය සංවිධානය ලබා දෙන අමෙරිකානු ඩොලර් මිලියන 1.37 වෛද්‍යාධාර මැයි පළමු සතියේ ශ්‍රී ලංකාවට ලැබේ.
තායිලන්ත රජය ලබා දෙන ශ්‍රී ලංකා රුපියල් මිලියන 340 වටිනා අත්‍යවශ්‍ය ඖෂධ පරිත්‍යාග මැයි පළමු සතියේ ශ්‍රී ලංකාවට ලැබේ.
සිංගප්පූරු රතු කුරුස සංවිධානය ද ශ්‍රී ලංකා රුපියල් මිලියන 340 වටිනා ඖෂධ ශ්‍රී ලංකාවට පරිත්‍යාගයක් ලෙස ලබා දෙන බව තහවුරු කරන ලදි.”