20 වන ව්‍යවස්ථා සංශෝධනය අහෝසිකර පාර්ලිමේන්තුවට බලය දෙන 21 වන ආණ්ඩුක්‍රම ව්‍යවස්ථා සංශෝධන කෙටුම්පත සහ යෝජනාව සමගි ජන බලවේගය විසින් අද පාර්ලිමේන්තුවේදී කථානායකවරයා වෙත භාරදෙනු ලැබුවා. සජිත්ගේ යෝජනාව විධායක ජනපතිධුරය අහෝසිකිරීමයි.

ආණ්ඩුවට එරෙහිව ගෙන එන විශ්වාසභංග යෝජනාව සඳහා මන්ත්‍රී අස්සන් ගැනීම මේ වන විට සමගි ජන බලවේගයේ ප්‍රධානත්වයෙන් සිදුකෙරේ. එයට අස්සන් තැබීම පිළිබඳව විමල් පාර්ශ්වයේ 15 , මෛත්‍රී පාර්ශ්වයේ 12 හා රනිල් වික්‍රමසිංහ තවම එකඟතාව පළ කර නැත.

ජනපති ගෝඨාභය රාජපක්ෂ ධුරයෙන් නෙරපීම සඳහා වන දෝෂාභියෝගයකට අස්සන් ගැනීමද මේ වන විට ආරම්භ කර තිබේ. කෙසේවෙතත් විමල් පාර්ශ්වයේ 15 , මෛත්‍රී පාර්ශ්වයේ 12 , රනිල් වික්‍රමසිංහ ඊට අස්සන් තැබීමට විරුද්ධත්වය ප්‍රකාශ කර ඇතැයි වාර්තා වේ.