මේ වන විට කොරෝනා වෛරසය ආසාදිතව තරමක ආසාධ්‍යය තත්වයෙන් සිටින හිටපු මුදල් අමාත්‍යය බැසිල් රාජපක්ෂ මහතාව විදේශ රටක රෝහල වෙත රැගෙන යාම සඳහා ගිලන් සේවා සපයන සමාගමකට අයත් ගුවන් යානයක් රත්මලාන ගුවන් තොටුපල වෙත පැමිණ ඇතැයි සමාජ ජාලා පරිශීලකයන් අතර පැතිරෙන පුවත් වාර්තා පවසා සිටී.

එම පුවත සැලවීමත් සමඟ මේ වන විට ගාලු මුවදොර බලා ඇදෙමින් සිටින විශාල ජනකායක් රත්මලාන ගුවන් තොටුපල දෙසට පැමිණෙමින් පවතින බවද සමාජ ජාලා අතර සංසරණය වන පුවත් වාර්තා පවසයි. එම වාර්තා වලට අනුව බැසිල් රාජපක්ෂ මහතාගේ රෝගී තත්වය උත්සන්න වීමටත් වඩා ඒ මහතා ප්‍රතිකාර ලබන්නේ යැයි සැලකෙන නාරාහේන්පිට “ලංකා හොස්පිට්ල්” රෝහලට ආරක්ෂාව සපයා දීමට ආරක්ෂක අංශ වලට දැඩි වෙහෙසක් ගැනීමට හේතු වී තිබීමත් රෝහල් කාර්ය මණ්ඩලය සහ මේ වන විට නේවාසිකව ප්‍රතිකාර ලබන රෝගීන්ගේ ඥාතීන් විසින් රෝහල් පාලන අධිකාරියට දැඩි විරෝධය දැක්වීමත් බැසිල් රාජපක්ෂ මහතා විදෙස් රෝහලකට යොමු කිරීමට හේතු වී ඇතැයි පැවසේ. මේ අතර තතු දත් ආරංචි  මාර්ග පවසන්නේ බැසිල් රාජපක්ෂ මහතා සිංගප්පූරු රෝහලකට රැගෙන යාමට නියමිත බවයි.

එහෙත් සමහර සමාජ ජාල පරිශීලකයන් පවසන්නේ බැසිල් මහතා රටේ පවතින අර්බූදය හමුවේ අමෙරිකාවට පැන යාමට නිර්මාණය කළ උප්පරවැට්ටියක එක් පියවරක් ලෙස කොරෝනා වැළැඳී ඇතැ‍යි යන්න ප්‍රචාරය කිරීමත් ඉන් පසුව ප්‍රතිකාර සඳහා ගුවන් යානයකින් වෙනත් රටකට යන මුවාවෙන් රටින් පලා යාමට සැලසුම් කර ඇති බවත්ය.