සිංගප්පූරුවේ සිට පසුගිය මාර්තු 28 වැනිදා ශ්‍රී ලංකාවට ළඟා වී තිබෙන ඔක්ටේන් 92 වර්ගයේ පෙට‍්‍රල් ටොන් 26,000 ක් සහ ඔක්ටේන් 95 වර්ගයේ පෙට‍්‍රල් මෙටි‍්‍රක් ටොන් 9,000 ක් අඩංගු නැවට දින 15 ක් තිස්සේ ගෙවීමට ඩොලර් නොමැති වීම හේතුවෙන් ප්‍රමාද ගාස්තු ලෙස12 දා වන විට ඩොලර් 270,000 ක ප්‍රමාද ගාස්තුවක් ගෙවීමට සිදුවී ඇති බව පැවසේ. මෙම ඉන්ධන නැව මුදා ගැනීමට ඩොලර් මිලිය්න 44ක් ගෙවීමට නියමිතව තිබුණි.

මේ වන විට ඉන්දීය ණය ආධාර යටතේ මෙරටට ගෙනා ඩීසල් සහ පෙට‍්‍රල් ලබන සතිය මැද පමණ වන තෙක් පවතින අතර ඉන්ධන ගෙනඒමට කටයුතු නොකළහොත් ලබන සතියේ මැද සිට නැවත ඉන්ධන හිඟයක් ඇතිවීමට ඉඩ ඇතැයි එම නිලධාරියා පැවසීය.

සංස්ථාව සතුව දින කිහිපයකට අවශ්‍ය භූමිතෙල් තිබෙන බවත් භූමිතෙල් ඉල්ලූම මෙටි‍්‍රක් ටොන් 700 ක් පමණ වුවත් එය සීමා කර මෙටි‍්‍රක් ටොන් 400 ක් ලෙස බෙදාහැරීම් සිදුකරන බවත් එම නිලධාරියා පැවසීය. සාමාන්‍ය දිනකදී භූමිතෙල් ඉල්ලූම මෙටි‍්‍රක් ටොන් 300 ක්ව පවතින බව ද ඔහු අවධාරණය කළේය.