වත්මන් අර්බූදයට විසඳුම් සෙවීම සඳහා ජනාධිපතිතුමා විසින් නව උපදේශක මණ්ඩලයක් පිහිටුවීම මගින් සුභවාදී තත්වයක් ඇතිවේදැයි ලංකා ලීඩ් වෙබ් අඩවිය විසින් ජාතික සංවිධාන වල මතය විමසන ලදී.

එහිදී පිළිතුරු දුන් ජාතික සංවිධාන එකමුතුවේ මාධ්‍යය ප්‍රකාශක වෛද්‍යය වසන්ත බණ්ඩාර මහතාගේ මතය ඔහුගේම වචනයෙන්,

” රටට වල කැපූ ඊනියා මොළ සෝදාගත් විද්වතුන්ගේ උපදෙස් අරගෙන ඔවුන් කැපූ වලෙන් ගොඩ එන්න පුළුවන් කියල අපි හිතන්නේ නැහැ.ඉන්ද්‍රජිත් කුමාරස්වාමි මහතා මහ බැංකු අධිපතිවරයෙක් විදියට වැඩිපුරම වානිජ විදේශ ණය ලබා ගැනීමට කටයුතු කළ මහබැංකු අධිපතිවරයායි. එපමණක් නොවෙයි ඔහුගේ කාලයේ ඇමෙරිකානු ඩොලර් මිලියන 7000ක ස්වෛරී බැඳුම්කර මිලදී ගැනීමට කටයුතු කර තිබෙනවා. බරපතලම කාරණය ඔහු ද්විත්ව පුරවැසියෙක්. දැන් අලුතෙන් පත් කළ මහ බැංකු අධිපති තුමා මහ බැංකුවේ සේවය කරන කාලේ ඔහු මුල්‍යය අරමුදලේ සේවකයෙක් ලෙස කටයුතු කළා. ඔහු ඔස්ට්‍රේලියාවේ සිට නැවත එන්නේ පරණ රස්සාව කරන්න මිසක් අළුත් දෙයක් කරන්න නොවෙයි. මේ අදූරදර්ශී ක්‍රියාව නිසා දැන් වල කැපූ එවුන්ම ජනාධිපති වලේ සිටියදීම පස් දාලා වහන්න පුළුවන්.”