ආණ්ඩුව නියෝජනය කරන ප්‍රජාතන්ත්‍රවාදී වාමාංශික පෙරමුණ, ලංකා සම සමාජ පක්ෂය, ශ්‍රී ලංකා නිදහස් පක්ෂය, ශ්‍රී ලංකාවේ කොමියුනිස්ට් පක්ෂය, ජාතික නිදහස් පෙරමුණ, ජාතික කොංග්‍රසය, පිවිතුරු හෙළ උරුමය, ශ්‍රී ලංකා මහජන පක්ෂය, විජය ධරණී ජාතික සභාව, එක්සත් මහජන පක්ෂය, යුතුකම ජාතික සංවිධානය යන දේශපාලන පක්ෂ 11 විසින් සකසන ලද “මුළු රටම හරි මඟට” ජාතික ප්‍රකාශනය එළිදැක්වීම 2022 මාර්තු 02 වැනිදා සවස 3:00ට අංක 31 ,ශ්‍රී ජයවර්ධනපුර රෝහල පාර, කෝට්ටේ ලිපිනයේ පිහිටි මොනාක් ඉම්පීරියල් ශාලාවේ දී පැවැත්වෙන බව සංවිධායකයෝ පවසති.

මේ සම්බන්ධයෙන් ලංකා ලීඩ් වෙබ් අඩවිය වෙත අදහස් පල කළ පක්ෂ එකොලහේ නියෝජිතයෙකු පවසා සිටියේ “අප අත්විඳින්නේ විවෘත ආර්ථික සංවර්ධන ආකෘතියේ දරුණුතම අවපාතයක ප්‍රතිඵලයයි. කෙටිකාලීනව එම අර්බුදයට මුහුණ දෙමින්, දීර්ඝකාලීනව මෙරට ආර්ථිකයේ පදනම ශක්තිමත් කෙරෙන, බහුතරයක් ජනතාවට ආර්ථික ඉඩප්‍රස්තා සලසමින් සමාජ සාධාරණත්වය තහවුරු කෙරෙන ආර්ථික ආකෘතියක් අප විසින් නිර්මාණය කළ යුතුයි. පක්ෂ 11හේ නායකයෝ මේ දුෂ්කර අවස්ථාව අභියෝගයක් සේ සලකා,
එය ජයගැනීම උදෙසා වන යෝජනාවලියක් මාර්තු 02 දා ඉදිරිපත් කරනවා”. යනුවෙනි.

පහත දැක්වෙන සබැඳියාව ඔස්සේ මොනාක් ඉම්පිරියල්  ශාලාවට පැමිණිය හැක.

https://goo.gl/maps/E1aEKaqYfBGhYaNf9