සමගි ජන බලවේගයේ ප්‍රධාන ලේකම් රංජිත් මද්දුම බණ්ඩාර මහතා විසින් අධිභාර බදු පනත් කෙටුම්පත අභියෝගයට ලක් කරමින් ශ්‍රේෂ්ඨාධිකරණය හමුවේ අයදුම්පතක් ගොනු කර ඇති බව වාර්තාවේ.

පෙත්සමේ වගඋත්තරකරු ලෙස නීතිපතිවරයා නම් කර ඇති අතර පනත් කෙටුම්පතේ ඇතැම් වගන්ති ආණ්ඩුක්‍රම ව්‍යවස්ථාවට පටහැනි බව ප්‍රකාශ කරන ලෙස පෙත්සම්කරු ශ්‍රේෂ්ඨාධිකරණයෙන් ඉල්ලා ඇති බවද වාර්තාවේ. පෙත්සම මගින් රංජිත් මද්දුම බණ්ඩාර මහතා ඉල්ලා සිටින්නේ අදාළ වගන්ති පාර්ලිමේන්තුවේ තුනෙන් දෙකක බහුතරයකින් සහ ජනමත විචාරණයකින් සම්මත කළ යුතු බවට ශ්‍රේෂ්ඨාධිකරණය විසින් තීන්දුවක් ලබා දෙන ලෙසයි.

2022 අයවැයේදී මුදල් අමාත්‍යවරයා විසින් වාර්ෂිකව බදු ගෙවිය හැකි ආදායම රු. මිලියන 2,000 ක් හෝ ඊට වැඩි අරමුදල් තිබෙන ආයාතන වන සේවක අර්ථසාධක අරමුදල (EPF), සේවක භාරකාර අරමුදල (ETF) සහ තවත් අරමුදල් කිහිපයක් ද මෙම 25% අධිභාර බද්දට යටත් වන බවට පෙත්සම්කරු චෝදනා කරායි. එලෙසම එම පනත් කෙටුම්පතේ අඩංගු බොහෝ විධිවිධාන ආණ්ඩුක්‍රම ව්‍යවස්ථාවෙන් සහතික කර ඇති පුද්ගලයන්ගේ මූලික අයිතිවාසිකම් උල්ලංඝනය කර ඇති බව ද ඔහු වැඩිදුරටත් පෙන්වා දෙයි.