සංචාරක ශ්‍රී ලංකා කණ්ඩායම සමග පැවැති පළමු එක්දින ක්‍රිකට් තරගයෙන් ලකුණු 83ක ජයක් වාර්තා කිරීමට පාකිස්තාන කණ්ඩායම සමත් විය.

ඩුබායි නුවර පැවැති තරගයේ පළමුවෙන් පන්දුවට පහරදුන් පාකිස්තාන කණ්ඩායම කඩුලු 6ක් දැවී ලකුණු 292ක් ලබා ගත්තේය.

බබාර් අසාම් ලකුණු 103ක් ලබාගත් අතර පිළිතුරු ඉනිම ක්‍රීඩා කළ ශ්‍රී ලංකා කණ්ඩායමට නියමිත පන්දුවාර 50 අවසානයේ කඩුලු 8ක් දැවී ලබා ගත හැකි වූයේ ලකුණු 209ක් පමණයි.

ළහිරු තිරිමාන්න ලකුණු 53ක් රැස් කළ අතර අකිල ධනංජය නොදැවී ලකුණු 50ක් රැස් කළේය. මෙය ශ්‍රී ලංකා කණ්ඩායම අඛණ්ඩව ලැබූ 8 වන එක්දින ක්‍රිකට් තරග පරාජය වීම විශේෂත්වයකි.