සූම් තාක්ෂණය ඔස්සේ පැවති මාධ්ය සාකච්ජාවක් අමතමින් කොළඹ අගරදගුරු මැල්කම් රංජිත් කාදිනල් හිමියන් මෙරටට අප්රේල් 21 වැනිදා එල්ල වූ ත්රස්ත ප්රහාරයේ වින්දිතයන්ට යුක්තිය ඉටු කිරීම වෙනුවෙන් ජාත්යන්තරයට යොමුවීම හැර වෙනත් විසඳුමක් නැති බව පැවසූහ.
මාධ්යය සාකච්ඡාව සංවිධානය කර තිබුණේ පාස්කු ප්රහාරයේ වින්දිතයින්ගේ ජාත්යන්තර සමුළුව විසිනි.
දේශීය වශයෙන්ම කිසිවක්ම සිදු නොවීම සහ නීති පද්ධතියම පාස්කු ප්රහාරය පිළිබඳ කොමිසමේ නිර්දේශ පිළිබඳව සලකා නොබලන වටපිටාවක් තුළ ජාත්යන්තරයට යොමුවීම හැර වෙනත් විසඳුමක් නොමැති බව උන් වහන්සේ අවධාරණය කර සිටියෝය.
එහිදී වැඩිදුරටත් අදහස් දැක්වූ උන්වනහ්සේ,
“අපි පුළුවන්තරම් උත්සාහා කළා. අපේ රට තුළ මේ ප්රශ්නය විසඳලා අපේ ජනතාවට යුක්තිය ඉටු කරන්න. හැබැයි ඒවා අසාර්ථක වෙලා තියෙනවා. ඒක නිසා අපිට ජාත්යන්තරයට හා එක්සත් ජාතීන්ගේ සංවිධනයට යනවා ඇරෙන්න වෙන විසඳුමක් නෑ. අපි මේ ගැන සකලා බලනවා. එක්සත් ජාතීන්ගේ සංවිධානයට පමණක් නෙවෙයි අපිත් සමඟ සම්බන්ධතා තියෙන බලවත් රටවල්වලටත් යනවා.
අපි ඒ රටවල්වට බලපෑම් කරනවා කතෝලික පල්ලිය ඇවිල්ලා ජාත්යන්තර සංවිධානයක්. අපිට ලෝකේ පුරා සම්බන්දතා තියෙනවා. අගරදගුරු කෙනෙක් හැටියට මට තවත් සහෝදර අගරදගුරුවරු ඉන්නවා බලවත් රටවල්වල ඒ නිසා අපිට ඒක කරන්න පුළුවන්.
අපි බලාපොරොත්තුවක් තිබ්බා මේකට දේශීය වශයෙන් පිළිතුරක් හොයාගන්න නමුත් ඒක කෙරුනේ නැහැ. අපිට පේනවා දේශිය වශයෙන්ම මේක කිසිවක් වෙන්නේ නෑ. නීතිපතිවරයා යටතේ ක්රියාත්මකවන නීති පද්ධතියම පාස්කු ප්රහාරය පිළිබඳ කොමිසමේ නිර්දේශ පිළිබඳව සලකා බලන්නේ නැහැ. ඒක නිසා අපිට ජාත්යන්තරයට යනවා ඇරෙන්න කිසි විසඳුමක් නෑ”
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්ය...
අනුරාධපුර දිස්ත්රික් පාර්ලිමේන්තු මන්ත්රී ජනප්රිය රංගන ශිල්පී උද්දික ප්රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්රී ලාංකිකයන් 4 දෙනා නැවතත් ශ්රී ලංකාවට එවීමට...