බඩු මිල පහත දැමීම සඳහා මුදල් අමාත්‍යයවරයා විසින් අත්‍යාවශ්‍යය ආහාරවල බදු ඉවත් කළ යුතු බවට ගනු ලැබූ තීන්දුව පදනම කරගෙන මහා පරිමාන බදු වංචාවකට පොල් තෙල් ආනයනයකරුවන් දෙදෙනෙකු සූදානම් වෙමින් පවතින බව වාර්තාවේ.

ඒ සඳහා පදනම සකස් කිරීම සඳහා පොල්තෙල් මිළ කිලෝ ග්‍රෑම් එකකට රුපියල් 680ක් දක්වා ඉහළ දමා කෘත්‍රීම හිඟයක්ද ඇති කරන බව වාර්තාවේ.

මේ වන විට එසේ බදු සහන බලාපොරොත්තුවෙන් වරායෙන් නිදහස් කර නොගෙන ගුදම්වල රඳවා තබාගෙන සිටින පොල්තෙල් ප්‍රමාණය කිලෝ ග්‍රෑම් මිලියන 12කි.(මෙට්‍රික් ටොන් 12,000කි ).

අභ්‍යයන්තර ආරංචි මාර්ග අනුව ආනයනයකරුවන් සහ ආණ්ඩුවේ යම් පාර්ශව අතර එකඟතාවයන්ට අනුව පොල්තෙල් කිලෝ ග්‍රෑම් 1කට පනවා තිබෙන රුපියල් 150ක බද්ද රුපියල් 100කින් අඩු කරන බව වාර්තාවේ.

ඒ අනුව පොල්තෙල් ආනයනයකරුවන්ට ලැබෙන අයුතු ලාභය හෙවත් බදු වංචාව රුපියල් මිලියන 1200ක් බවද වාර්තා වේ. මීට පෙර පසුගිය වසරේදී පොල්තෙල් කිලෝග්‍රෑම් එකකට රුපියල් 295ක් වූ බදු මුදල රුපියල් 150කින් අඩු කරනු ලැබීය.