සැප්තැම්බර් 17 වැනිදා රාත්‍රී 12.6ට අත්සන් තබන දල යුගදනවි ගිවිසුම හරහා මෙරට දැල්වෙන සෑම විදුලිබුබුලකින්ම තම ගිණුම්වලට මුදල් එන ආකාරයේ ගිවිසුමක් බව රන්ජන් ජයලාල් මහතා පවසයි.

මාධ්‍ය වෙත අදහස් දක්වමින් ඔහු මේ බව පැවසීය.

”හරියට ජාතික පාසලකට ළමයෙක් දාගන්න ජාතික පාසල ආසන්නයේ හොරට පදිංචිය තහවුරු කරන ලිපි ලේඛන හදන දෙමාපියන් වගේ ශ්‍රී ලංකාවේ පෞද්ගලික සමාගමක් ඇමෙරිකාවේ ලියාපදිංචි කරලා තියෙනවා. අපි ආණ්ඩුවට කියනවා තවදුරටත් මේක පාර්ලිමේන්තුවේදි වෙනත් පාර්ශ්වයක් මගින් හෙළිදරව් වෙන්න කලින් මේ හොර සමාගම අයිති කාටද කියා හෙළිදරව් කරන්න කියලා. අපි විශ්වාස කරනවා පාර්ලිමේන්තුව නියෝජනය කරන තාත්තලා, බාප්පලා මහප්පලා යන අයගෙන් කාට හෝ අයිති සමාගමක් මේක.

වසර දෙකක් යනතුරු මේ ගිවිසුම හෙළිදරව් කරන්න එපා කියලා තියෙනවා. ඒ මේකට අත්සන් කරපු අය තව අවුරුදු දෙකකින් තමන්ගේ රටට යනකන්ද? ?ඔවුන් මේ රටින් යන්නේ මේ රටේ දැල්වෙන සෑම විදුලි බුබුලකින්ම තමන්ගේ දරුවන්ගේ, මුණුබුරන්ගේ ගිණුමට මුදල් එන්න විදියක් හදලා..”