ඇමරිකාවේ නිව් ෆොට්‍රස් එනර්ජි සමාගම සමග කෙරවලපිටිය යුගදනවි බලාගාරයේ කොටස් විකිණීමට අදාළව අත්සන් කරන ලද ගිවිසුම අමාත්‍ය මණ්ඩලයට අද ඉදිරිපත් කිරීමට නියමිත බව වාර්තාවේ.

අදාළ ගිවිසුම සම්බන්ධයෙන් පාර්ලිමේන්තුවේදිති ඉන් පිටතදීත් දැඩි ආන්දෝලනයක් ඇති වූ අතර ,එය පාර්ලිමේන්තුවට ඉදිරිපත් කරන්නැයි විපක්ෂය ද ඉල්ලීමක් කළේය .

එම ගිවිසුමට එරෙහිව ශ්‍රේෂ්ඨාධිකරණයට මූලික අයිතිවාසිකම් පෙත්සම් කිහිපයක් දේෂපාලන පක්ෂ සහ සිවිල් සංවිධාන විසින් ඉදිරිපත් කෙරෙණු අතර, කැබිනට් තීරණයට එරෙහිව අධිකරණයට කරුණු කීමට කැබිනට් අමාත්‍යවරුන් වන විමල් වීරවංශ,උදය ගම්මන්පිල සහ වාසුදේව නානයක්කාර යන ඇමැතිවරු ද ඉදිරිපත් වී සිටිති. මේ අතර ජාතික සංවිධාන එකමුතුව විසින් ශ්‍රේෂ්ඨාධිකරණයට පෙත්සමක් ඉදිරිපත් කරමින් රිට් ආඥාවක්ද ඉල්ලා සිටියේය.
මෙම ගිවිසුම අත්සන් කිරීමට අදාව බලපෑ කරුණු සහ ගිවිසුමට එළඹීමේ නීතිමය රාමුව ද මුදල් ඇමැති බැසිල් රාජපක්ෂ මහතා විසින් අද කැබිනට් මණ්ඩලයට ඉදිරිපත් කෙරෙනු ඇතැයි විශ්වාස කටයුතු ආරංචි මාර්ග පවසයි.