පාරිභෝගික සේවා කටයුතු අධිකාරියේ සභාපති විශ්‍රාමික මේජර් ජනරාල් ශාන්ත දිසානායක මහතාගේ අත්සනින් නිකුත් කර ඇති මාධ්‍යය නිවේදනයක් මගින් පවසා සිටින්නේ ගෑස් සමාගම වලට කොන්දේසි තුනක් යටතේ ගෘහස්ත ගෑස් සිලින්ඩර නිකුත් කිරීමට අවසර දෙන බවයි. එම කොන්දේසි වන්නේ,
1) පෙර ආනයනය කරණ ලද ගෑස් නිකුත් නොකිරීම
2)නව තොග නිකුත් කිරීමට ප්‍රථම නියමිත ප්‍රමිතියට අනුව ගඳ සුවඳ හඳුනාගැනීම සඳහා මර්කප්ටන් අඩංගු කිරීම
3) නිෂ්පාදනය කරණු ලබන ගෑස් සිලින්ඩර නිෂ්පාදන ක්‍රියාවලියේදී සෑම 100කින් එකක් පරීක්ෂා කර බලා serial number කර පාරිභෝගික කටයුතු අධිකාරියට ලබා දීම, යන කරුණු තුනයි. ඒ අනුව අද(5) දින සිට ගෑස් සමාගම් වලට ඉහත කොන්දේසි වලට යටත්ව වෙළෙඳ පොළට ගෘහස්ත ගෑස් සිලින්ඩර නිකුත් කළ හැකි බව පාරිභෝගික සේවා අධිකාරිය වැඩිදුරටත් පවසා සිටී.