දේශීය පුවත්

කොරෝනා වෛරසයේ නවතම විකෘතිය වන’ඔමික්‍රෝන්’ සම්බන්ධයෙන්, මේ මොහොතේ බියවීමට හෝ කලබලවීමට හෝ හේතුවක් නොමැති බවත්, වයිරස විකෘතිය ගැන පැහැදිලි අවබෝධයක් ලබා ගැනීමට සති දෙක තුනක් යනු ඇති බවත් එම විකෘතිය පළමුවෙන්ම හඳුනාගත් දකුණු අප්‍රිකානු වෛද්‍යවරියක වන ඇන්ජෙලික් කෝටේස් මත්මිය පවසා සිටී.

ඇය වැඩිදුරටත් අනාවරණය කරසිටින්නේ තමන් ප්‍රතිකාර ලබා දුන්, ‘ඔමික්‍රෝන්’ ආසාදිතයන් කිසිවකු බරපතල ලෙස රෝගී නොවුණු බවත් මරණයට පත් නොවුණු බවත්ය. ජාත්‍යයන්තර මාධ්‍යය අමතමින් ඇය අනාවරණය කළේ සාමාන්‍යයෙන් ‘කොවිඩ් 19’ ආසාදිතයන්ට ගඳ සුවඳ නොදැනී යන නමුත් ‘ඔමික්‍රෝන්’ ආසාදිතයන්ට එවැන්නක් සිදු නොවන බවයි.

උණ සහ සෙම්ප්‍රතිශ්‍යාවට අමතරව, ‘ඔමික්‍රෝන්’ ආසාදිතයන්ගේ බහුල රෝග ලක්ෂණ වන්නේ දින ගණනාවක් එක දිගට පවතින සිරුරේ වේදනාව සහ තෙහෙට්ටුවය. ඊට අමතරව හෘද ස්පන්දනය අසාමාන්‍ය ලෙස වැඩි වෙයි. මුලින් හමුවුණු සියලු ‘ඔමික්‍රෝන්’ රෝගීන් සුවය ලැබූවේ වෛද්‍ය උපදෙස් මත නිවෙස්වල රැඳී සිටීම හේතුවෙන් බව වෛද්‍යවරිය අවධාරණය කළාය.

ඔමික්‍රොන් වෛරසයෙන් පොඩි දරුවන්ට හෝ තරුණ තරුණියන්ට වැඩි බලපෑමක් එල්ල නොවුණත්, වැඩිහිටියන්ට එයින් බලපෑමක් එල්ල විය හැකි බව වෛද්‍ය කෝටේස් මැතිනියගේ මතය බව විදෙස් වාර්තා පවසයි.

මේ අතර ‘ඔමික්‍රෝන්’ වයිරස විකෘතිය සම්බන්ධයෙන් අනතුරු අඟවමින් ලෝක සෞඛ්‍ය සංවිධානය ද පෙන්වා දී ඇත්තේ ‘ඔමික්‍රෝන්’ සම්බන්ධයෙන්, බියක් හෝ කලබලයක් ඇති කර ගැනීමට අවශ්‍ය නොවන බවත්, කළ යුත්තේ විකෘතියේ ව්‍යාප්තිය අවම කර ගැනීමට නිසි පියවර ගැනීම බවත්ය.

ලෝක සෞඛ්‍ය සංවිධානය ‘ඔමික්‍රෝන්’ විකෘතිය සම්බන්ධයෙන් අනතුරු අඟවා ඇත්තේ, එම විකෘතිය ‘කොවිඩ් 19’ විකෘති රැසක් මුසුවී නිර්මාණය වූවක් නිසාය. මෙතෙක් හමුවුණු ‘ඇල්ෆා’, ‘බේටා’, ‘ගැමා’, ‘ඩෙල්ටා’ ආදී සියලු වයිරසවල විකෘති සහ මෙතෙක් හඳුනා නොගත් නව විකෘති ද ‘ඔමික්‍රෝන්’ සතුව ඇති බව තහවුරු වී තිබේ. ඒ අනුව ‘ඔමික්‍රෝන්’ ඉතාමත් වේගයෙන් ව්‍යාප්තවන, එන්නත්වලට ප්‍රතිරෝධය දක්වන, මෙතෙක් ලොව හමුවුණු බිහිසුණුම ‘කොවිඩ් 19’ විකෘති වයිරස ප්‍රභේදය බවයි. ලෝඉක සෞඛ්‍ය සංවිධානයේ මෙම අර්ථ දැක්වීම ‘ඔමික්‍රෝන්’ සම්බන්ධයෙන් ලොව පුරා බියක් නිර්මාණය වීමට හේතුවී ඇති බව පැවසේ.

‘ඔමික්‍රෝන්’ විකෘතිය සම්බන්ධයෙන් බියක් හට ගැනීමත් සමඟ රටවල් බොහොමයක්, දකුණු අප්‍රිකාව, බොට්ස්වානා ඇතුළු අප්‍රිකා මහද්වීපයට අයත් රටවල් 9 කට තහංචි පැනැවීමට කටයුතු කළේය. ඒ, එම රටවලින් පැමිණෙන විදේශිකයන් කිසිවකු බාර නොගන්නා බව පවසමිනි. ඊශ්‍රායලය දින 14 ක් සඳහා කිසිදු විදේශිකයකුට තම රටට ඇතුළු වීමට ඉඩ නොදෙන බව පවසා තිබේ. යුරෝපයට අයත් ස්විට්සර්ලන්තය ද නිවේදනය කර ඇත්තේ ස්විට්සර්ලන්ත ජාතිකයන් හැර කිසිදු විදේශිකයකුට එරටට ඇතුළු වීමට ඉඩ නොදෙන බවය.

ඊයේ (28) වනවිට ‘ඔමික්‍රෝන්’ ආසාදිතයන් ඕස්ට්‍රේලියාව, මහා බ්‍රිතාන්‍යය, ජර්මනිය, නෙදර්ලන්තය, ඉතාලිය, ස්විට්සර්ලන්තය, හංගේරියාව, චෙක් ජනරජය, හොංකොං සහ ඊශ්‍රායලය එම රටවල් වලින් වාර්තා වී තිබුණි. . මේ අතර දකුණු අප්‍රිකාවේ සිට නෙදර්ලන්තය බලා පැමිණි ගුවන් මගීන් 600 දෙනකුගෙන් 60 දෙනකුට ‘කොවිඩ් 19’ ආසාදනය වී ඇති බවත්, එම පිරිස අතරින් 13 දෙනකුට ආසාදනය වී ඇත්තේ ‘ඔමික්‍රෝන්’ බවත් තහවුරු විය.

 

 



Leave a Reply

Your email address will not be published. Required fields are marked *

ප‍්‍රධාන පුවත්

ඉස්ලාම් ආගමික පෙළපොත් වල අන්තවාදී ඉගැන්වීම් ගැන ලබාදුන් වාර්තාව සැලකිල්ලට ගෙන නැහැ-කොමසාරිස් අධ්‍යාපන ප්‍රකාශන දෙපාර්තමේන්තුව

ඉස්ලාම් ආගමික පෙළපොත්වල අන්තර්ගත අන්තවාදී ඉගැන්වීම් පිලිබඳව කමිටුවක් පත් කර වාර්තාවක් ලබා දුන් නමුත් එම නිවැරදි කිරිම් සිදු කර නැති බව අධ...


Read More

ආණ්ඩුව රණවිරුවන් වෙනුවෙන් ස්වභාවික යුක්තිය ඉල්ලන්නේ නැතිනම් ඩයස්පෝරාවට කප්පම් දෙන්න වෙනවා- ජාතික සංවිධාන

යුද අපරාධ චෝදනා වලින් රණවිරුවන්ව නිදහස් කර ගැනීමට ආණ්ඩුව පියවර ගන්නේ නැතිනම් ඉන් අදහස් වන්නේ ආණ්ඩුවේ යම් පිරිසක් දෙමළ ඩයස්පෝරාවට කප්පම් ද...


Read More

2021 පහේ ශිෂ්‍යයත්වයේ අක්‍රමිකතා රැසක් මුස්ලිම් සිසුන්ට අසාධාරණ ලෙස උදව් කරලා

පසුගිය අගෝස්තු මාසයේ පැවැත්වීමට නියමිතව තිබූ 2021 පහ ශ්‍රේණිය ශිෂ්‍යයත්ව විභාගය කොවිඩ් වසංගතය හමුවේ අවස්ථා කිහිපයකදී කල්දැම...


Read More