ආණ්ඩුවේ බදු ආදායම මේ වසරට වඩා ලබන වසරේ 35%කින් වැඩි කර තිබෙන්නේ කොවිඩ් වසංගතයෙනුත් ආණ්ඩුවේ පීඩාකාරී බඩුමිල වැඩිකිරීමෙනුත් බැටකමින් හිඟා නොකා හිඟා කන ජනතාවගෙන් අයකර ගැනීමට බව ජවිපෙ අනුරාධපුර දිස්ත්‍රික් නායක වසන්ත සමරසිංහ පවසයි.

ආණ්ඩුවේ අයවැය යෝජනා සම්බන්ධයෙන් (14) දින අනුරාධපුරයේ පැවති මාධ්‍ය හමුවකදී ඔහු අදහස් පළකරනු ලැබීය. එම මාධ්‍ය හමුවේදී ඔහු වැඩිදුරටත් අදහස් දක්වමින්… ” දැන් බැසිල් රාජපක්ෂ මුදල් ඇමතිවරයා රටට කියනවා බදු පිළිබඳව අපි කිව්වේ නෑ එහෙම කිව්වා නම් ව්‍යාපාරිකයෝ අයුතු ලාබ ලබනවා කියලා. ඒ කියන්නේ මුදල් ඇමතිවරයා අයවැයෙන් භාගයයි කියලා තියෙන්නේ රටට. දැන් රටේ මිනිස්සුන්ට මේ අවුරුද්ද අවසන් වෙනකල් බලන් ඉන්න වෙනවා මේ අයවැය ලේඛණය මොකක්ද කියලා බලන්න. මේ අයවැය යෝජනාවේ තියෙනවා මේ අවුරුද්ද බදු ආදායමට වඩා ලබන අවුරුද්දේ බදු ආදායම 35%කින් වැඩි වෙනවා කියලා. කාගෙන්ද මේ බදු අය කරන්නේ මේ රටේ මිනිස්සුන්ගෙන්. හිඟා නොකා හිඟා කන මිනිස්සුන්ගෙන්.” යනුවෙන් පැවසීය.