අයවැය පිලිබඳ විවාදය සඳහා මුදල් ඇමති බැසිල් රාජපක්ෂ මහතා සහභාගී නොවී ඇති බව වාර්තා වේ.

ඒ පිලිබඳ අදහස් දැක්වූ හිටපු අග්‍රාමාත්‍ය සහ එක්සත් ජාතික පක්ෂ නායක රනිල් වික්‍රමසිංහ මහතා පවසා ඇත්තේ මුදල් ඇමති අයවැය විවාද අවස්ථාවල දී පාර්ලිමේන්තුවේ සිටීම සම්ප්‍රදායක් බවයි.

විපක්ෂයේ ප්‍රධාන සංවිධායක ලක්ෂ්මන් කිරිඇල්ල මහතා අයවැය විවාදයෙදී නගන ලද ප්‍රශ්න වලට පිළිතුරු දීම සඳහා මුදල් ඇමතිවරයා සභාවේ නැති බවට පැවසීම තුලදී මෙම කතා බහ ඇතිව තිබේ.

හිටපු අග්‍රාමාත්‍ය රනිල් වික්‍රමසිංහ මහතා (එජාප) :-

මුදල් ඇමැති අයවැය විවාද අවස්ථාවේදී මෙහි සිටිය යුතුයි.ඒක සම්ප්‍රදායක් ලෙස පවතින දෙයක්. හෙට සිට හෝ මෙහි පැමිණෙන්නැයි මුදල් ඇමතිට ආරාධනා කරමු.රොනී ද මෙල් ගේ සිට සෑම මුදල් ඇමති කෙනෙක්ම අයවැය විවාද සඳහා පැමිණ තිබෙනවා.

ව්‍යාපාර සංවර්ධන රාජ්‍ය අමාත්‍ය අමාත්‍ය ෂෙහාන් සේමසිංහ මහතා :-

ප්‍රශ්නයක් තිබෙනවා නම් අහන්න .මම උත්තර දෙන්නම්.