බොරතෙල් ටෙන්ඩරවලට ඉල්ලුම්කරුවන් නැතිවීම හේතුවෙන් පිරිපහදු කිරීමට බොරතෙල් නොමැතිවීම නිසා සපුගස්කන්ද තෙල් පිරිපහදුව හෙට සිට වසා දැමීමට තීරණය කර ඇති බව පිරිපහදුවේ උසස් නිලධාරියෙක් මාධ්‍යය වෙත් අපවසා ඇතැයි වාර්තාවේ.

සපුගස්කන්ද තෙල් පිරිපහදුව ආරම්භ කළ දිනයේ සිට පිරිපහදු කිරීමට බොරතෙල් නොමැතිවීම හේතුවෙන් තෙල් පිරිපහදුව වසා දමන ලද ප්‍රථම අවස්ථාව මෙය බව වාර්තාවේ.

මේ අතර බලශක්ති අමාත්‍යාංශයේ ආරංචි මාර්ග පවසන්නේ බොරතෙල් රැගත් නැවක් මෙරටට ළඟා වීමට නියමිතව ඇත්තේ දෙසැම්බර් මස තුන්වැනි සතියේ බවයි.

මේ අතර ඛනිජ තෙල් සංස්ථාවේ වෘත්තීය සමිති පවසන්නේ බොර තෙල් නෞකාව පැමිණෙන තෙක් බොරතෙල් පිරිපහදුව වසා දැමීමට සිදු වනු ඇති බවත් එම නැවෙන් ගෙන එන බොරතෙල් ප්‍රමාණවත් වන්නේ දින පහළොවකට පමණක් නිසා නැවතත් ජනවාරි මස මැද තවත් නැවක් පැමිණෙන තෙක් පිරිපහදුව වසා දැමීමට සිදුවුනු ඇති බවත්ය.

කෙසේ වෙතත් පිරිපහදු කළ තෙල් මිලට ගැනීම හේතුවෙන් මෙරට තෙල් හිඟයක් ඇති නොවනු ඇතැයි බලශක්ති ඇමතිවරයා මීට දින කිහිපයකට පෙර මාධ්‍යය වෙත පවසා සිටියේය.