ජීවත්වීමේ අයිතිය වෙනුවෙන් සටන් වැදීමට සූදානම් වන ලෙස විපක්ෂ නායක සජිත් ප්‍රේමදාස මහතා ඊයේ (13) ජනතාවගෙන් ඉල්ලීමක් කරමින් පවසා සිටියේ කුමන ගැසට් නිවේදනයක් නිකුත් කළත් තම පක්ෂය 16 වැනිදා සංවිධානය කළ විරෝධතා රැළිය පවත්වන බවයි.

“ජනතා රැල්ල කාටවත් නතර කරන්න බෑ. ශ්‍රී ලංකා ජනතාවගෙන් ඉල්ලීමක් කරනවා මේ ආණ්ඩුවට විරුද්ධව මහපාරට බැහලා ජනතාවගේ ජීවත්වීමේ අයිතිය වෙනුවෙන් සටන් කරන්නට පෙරට එන්න කියලා. ”

සමගි ජන බලවේගය විසින් ‘සාපය දැන් ඇති අපි එනවා කොළඹට’ යනුවෙන් එළඹෙන 16 වැනිදා කොළඹ හයිඩ් පිටියේදී පැවැත්වීමට නියමිතව තිබූ විරෝධතා රැළිය සඳහා ලබාදී තිබූ අනුමැතිය සෞඛ්‍ය අමාත්‍යවරයා නිකුත් කළ ගැසට් නිවේදනයට අනුව අවලංගු කිරීමට පියවර ගෙන ඇති බව වාර්තාවේ.

මේ අතර එළඹෙන 16 වැනිදා පැවැත්වීමට නියමිත විරෝධතා රැළියට එරෙහිව සිවිල් සංවිධාන නියෝජිතයින් පිරිසක් ඊයේ(13) පොලිස් මූලස්ථානයට පැමිණිල්ලක් ද ඉදිරිපත් කර ඇති බවද වාර්තාවේ.