මිල පාලනය අතහැර දිගින් දිගටම ආනයන වලට බදු සහන ලබාදීමේ ක්‍රියාවලියේ ඊළඟ පියවර බඩ ඉරිඟු ආනයනයකරුවන්ට ලබා දෙන කිලෝ ග්‍රෑම් 1කට රුපියල් 24ක බදු සහනය බව වාර්තාවේ. එසේ බදු සහන ලබා දීමෙන් පසුව වෙළෙඳ පොල මිල අඩු නොවන බැවින් එම බදු සහන බදු වංචාවක් බවට ආණ්ඩුවේ බලධාරීන්ට බරපතල චෝදනා එල්ල විය. මීට පෙර සීනී කිලෝ ග්‍රෑම් එකකට රුපියල් 49.75ක බදු සහන ලබාදීමෙන් රජයට රුපියල් මිලියන 15,000ක බදු ආදායම් අහිමි වුවද වෙළෙඳ පොළේ සීනි මිල අඩු වීමක් නොවී තව දුරටත් වැඩි වීමක් සිදුවිය.සහල් ආනයනයේදී කිලෝ ග්‍රෑම් 1කට රුපියල් 65 ක බදු සහනයක් ලබා දී ඇත.ඒ අනුව මේ ආණ්ඩුව හොඳින්ම කරන්නේ බදු සහන කර්මාන්තය හෙවත් බදු වංචා කර්මාන්තය බවට සෑම අංශයක්ම චෝදනා එල්ලවේ.