වෘතීය සමිති කිහිපයක් විසින් ඊයේ පැවැත්වූ මාධ්‍යය සාකච්ඡාවකදී පවසා සිටියේ කෙරවලපිටිය යුගදනවි විදුලි බලාගාරයේ කොටස් හා මෙරට LNG සැපයුම අමෙරිකාවේ නිව් ෆෝට්‍රස් සමාගමට ලබාදීමට එරෙහිව අද(03) දහවල් ඛනිජතෙල්, වරාය, විදුලිය සහ ජල සම්පාදන ආයතන ඉදිරිපිට විරෝධතාවයක නිරතවන බවයි.

එහිදී වෘත්තීය සමිත් නියෝජිතයෝ පවසා සිටියේ විරෝධතා හේතුවෙන් විදුලි බිඳවැටීම් සහ ජල සැපයුමට බාධා සිදුවුවහොත් එහි වගකීම තමන් භාරනොගන්නා බවයි..

විරෝධතාවය සම්බන්ධයෙන් අදහස් දැක්වූ ලංකා විදුලිබල මණ්ඩල ඒකාබද්ධ වෘත්තීය සමිති සන්ධානයේ කැඳවුම්කරු රන්ජන් ජයලාල් මහතා,

“අපි සංවිධානය කරණ විරෝධතාවයට බියවී ඇති විදුලිබල මණ්ඩලයේ පාලකයෝ චක්‍රලේඛයක් නිකුත් කරලා තියෙනවා සියලුදෙනාගේ නිවාඩු අවලංගු කරලා. අපි ආණ්ඩුවට කියනවා තත්ත්වය අවුල්කරන්න එපා කියලා. අපි පවත්වන්නේ සාමකාමී උස්ඝෝෂණයක් මිස වර්ජනයක් නෙවෙයි. හැබැයි මහපරිමාණ විඳුලි බිඳවැටීමකදී එය යථා තත්ත්වයට පත්කරගන්න බැහැ”