දේශීය පුවත්

ගුරු සහ විදුහල්පති වෘත්තිය සමිති සහ අග්‍රාමාත්‍ය මහින්ද රාජපක්ෂ මහතා අතර පැවති සාකච්ඡාව මේ වනවිට අවසන් වී තිබෙනවා.

අමාත්‍ය අනුකමිටුව විසින් ගුරු විදුහල්පතිවරුන් සදහා හිමිවිය යුතු සමස්ථ වැටුප අදියර 3 ක් යටතේ ලබාදීමට ගත් තීරණය වෙනුවට එම වැටුප අදියර 02 ක් යටතේ ලබාදීමට අග්‍රාමාත්‍යවරයා එහිදී එකගත්වය පළකර තිබෙනවා.

ඉන් එක් අදියරයක් යටතේ වන වැටුප් කොටසක් ලබන වසරේ ජනවාරි මාසයේදීත් අනෙක් වැටුප් කොටස දෙවන අදියර වශයෙන් 2023 වසරේ ජනවාරි මාසයේදීත් ලබාදීමටයි අග්‍රාමාත්‍යවරයා තීරණය කර ඇත්තේ.

සාකච්ඡාවෙන් අනතුරුව මාධ්‍යයට අදහස් දක්වමින් ලංකා ගුරුසේවා සංගමයේ ලේකම් මහින්ද ජයසිංහ මහතා අග්‍රාමාත්‍යවරයාගේ මෙම තීරණය සම්බන්ධයෙන් අදහස් පළ කළා.

මෙම සාකච්ඡාවේදී ඉදිරිපත් වූ යෝජනා සම්බන්ධයෙන් ගුරු විදුහල්පති වෘත්තීය සමිති සන්ධානය හෙට දිනයේදී රැස්වී අවසන් තීරණයක් ගැනීමට බලාපොරොත්තු වන බවයි ලංකා ගුරු සංගමයේ ප්‍රධාන ලේකම් ජෝසප් ස්ටාලින් මහතා එහිදී කියා සිටියේ.

ඒ අනුව ගුරු විදුහල්පති වෘත්තීය සමිතීන්හි අවසන් තීරණය හෙට (13) දිනයේදී ප්‍රකාශයට පත් කරන බවයි ගුරු වෘත්තීය සමිති වැඩිදුර සඳහන් කර සිටියේ.



Leave a Reply

Your email address will not be published. Required fields are marked *

ප‍්‍රධාන පුවත්

ආණ්ඩුවේ සෑම මැති ඇමතිවරයෙක්ම වී සහ සහල් ප්‍රශ්නය අල්ලගන්නේ වලිගයෙන් – ජාතික ගොවි ව්‍යාපාරය.

ජාතික ගොවි ව්‍යාපාරය නම් වූ සංවිධානයක ලේකම්වරයා ලෙස හඳුන්වන ගොවි මහත්මයෙකු ලංකා ලීඩ් නිවුස් අමතා සඳහන් කළේ අප රටේ සෑම ඇමතිවරයෙක්ම ...


Read More

රටට උවමනා – ජනපතිගේ නව ව්‍යවස්ථාවද? ජී. එල්ගේ පීරිස්ගේ පළාත් සභාවද? සභ්‍යත්ව සංකථන 20 අද සවස 7.30ට

📌රටට උවමනා - ජනපතිගේ නව ව්‍යවස්ථාවද? ජී. එල්ගේ පීරිස්ගේ පළාත් සභාවද? සභ්‍යත්ව සංකථන 20 අද සවස 7.30ට 📌202...


Read More

හරිත කෘෂිකර්මාන්තය පිළිබඳ කාර්ය සාධක බළකාය ගැසට් කෙරේ

හරිත කෘෂිකර්මාන්තයක් මෙරට ස්ථාපනය කිරීම සඳහා ජනාධිපති කාර්ය සාධක බළකායක් පිහිටුවා තිබේ. ඊට අදාල ගැසට් නිවේදනය ජනාධිපති ලේකම් පී. බී. ජ...


Read More