පසුගිය කාලය පුරාම දිවයින පුරා විසිරී සිටින විවිධ ගොවි සංවිධාන රජයෙන් ඉල්ලා සිටියේ නාඩු වී කිලෝ එකකට ගෙවන මිල රුපියල් 60 ක් දක්වා ඉහළ දමා නාඩු හාල් කිලෝ එකක මිල රුපියල් 110.00කට ඉහළ නංවන ලෙසත් ඒ මගින් ගොවියාගේ සහ පාරිභෝගිකයාගේ ගෞරවය දිනා ගන්නා ලෙසත්ය.

එසේ කිරීමට නොහැකි නම් කුජීත වී එම මිල දෙන්නට සිදුවන බවද ඔවුහු පවසා සිටියෝය. දැන් එම අනාවැකි සනාත කරමින් මෝල් හිමියන් විසින් වී මිල ඉහළ දමා ඇත.ඒ සමගම සහල් මිලද රුපියල් 5කින් ඉහළ දමා ඇත.

ආණ්ඩුවට ගොවියාගේ ආදරය දිනා ගනිමින් වී මිල රුපියල් 60ක් ලෙස නියම කර සහල් මිල රුපියල් 110 ලෙසට නියම කරමින් පාරිභෝගිකයාද බේරා ගැනීමට තිබූ ඉඩකඩ නැති කළේ ජනාධිපති ලේකම් පී බී ජයසුන්දර මහතා බව ආණ්ඩු පාර්ශවයේ මන්ත්‍රීවරුන් සහ වෙනත් පාර්ශව අතර මතයක් ගොඩ නැගී ඇති බව ආණ්ඩු පක්ෂයේ අභ්‍යයන්තර ආරංචි මාර්ග පවසයි.