තිස්ස අත්තනායක මන්ත්‍රීවරයා විසින් පාර්ලිමේන්තුවට ඉදිරිපත් කළ මානව හිමිකම් සංවිධානය නමින් සංවිධානයක් සංස්ථාපනය කිරීමේ පනත් කෙටුම්පතට එරෙහිව ශ්‍රේෂ්ඨාධිකරණයට ඉදිරිපත්වූ පෙත්සම් විභාගයේදී අනාවරණය වූයේ එම කෙටුම්පත ගැසට් කිරීම සඳහා නීතිපතිවරයාගේ අනුමැතිය ලබාගෙන නොමැති බවයි.

ඒ පිළිබඳව දි අයිලන්ඩ් පුවත් පත තිස්ස අත්තනායක මහතාගෙන් විමසීමේදී ඔහු සඳහන් කර ඇත්තේ තමා එම පනත් කෙටුම්පත ඉදිරිපත් කළේ පාර්ලිමේන්තු කෙටුම්පත් කාර්යාලයේ ඉල්ලීම මත බවයි.ඒ පිළිබඳව ලංකා ලීඩ් පුවත් වෙබ් අඩවිය එම නඩුවේ පෙත්සම්කරු වූ වෛද්‍යය වසන්ත බණ්ඩාර මහතාගෙන් විමසන ලදී.මේ ඔහුගේ පිළිතුර ඔහුගේ වචනයෙන්, “ජාත්‍යයන්තර බෙදුම්වාදී බලවේග සහ ඉස්ලාම් අන්තවාදී බලවේග වල වුවමනාවන් ඉටු කරණ පනත් කෙටුම්පතක් පාර්ලිමේන්තුවේ සම්මත කිරීමට මීට පෙර අවස්ථා දෙකකදී ගනු ලැබූ උත්සාහයන් ව්‍යයවර්ථ වීමෙන් පසුව එය නැවත ඉදිරිපත්කිරීම සඳහා තිස්ස අත්තනායක මන්ත්‍රීවරයාට යෝජනා කරන්නේ පාර්ලිමේන්තුවේ කෙටුම්පත් කාර්යාලයේ යම් පුද්ගලයෙකු විසින් නම් ඔහු අනිවාර්යෙන්ම ඔහු බළල් අතක් විය යුතුයි.නීතිපතිගේ අනුමැතිය නොමැතිව පනත ගැසට් කිරීමද බරපතල ප්‍රශ්නයක්.කතානායකවරයා වහාම මේ පිළිබඳව විධිමත් අපක්ෂපාතී පරීක්ෂණයක් සිදු කළ යුතුයි.”