කෘෂිකර්ම අමාත්‍යයවරයා විසින් වී සඳහා රුපියල් 55ක සහතික මිලක් ලබා දෙන බවට සිදු කළ ප්‍රකාශයට ජාතික ගොවිජන එකමුතුව මෙසේ ප්‍රතිචාර දක්වා ඇත. එම සංවිධානයේ සභාපති අනුරාධ තෙන්නකෝන් මහතා සඳහන් කරන්නේ වී වලට රුපියල් 55ක මිලක් භාරගන්න ගොවියා සූදානම් නැති බවය. ඒ නිසා හිත හොඳින් පළමු වටයේදීම රුපියල් 60ක් දීල ගෞරවය ගන්නා ලෙස ඉල්ලා සිටින ඔහු ආණ්ඩුවට අනතුරු අඟවන්නේ එසේ නැති නම් කුජීත වෙලා රුපියල් 60ක් දෙන්න සිදුවන බවය.ගොවියාට තවත් වැටෙන්නට තැනක් නැති නිසා සටන් කිරීම හැර වෙනත් විකල්පයක් නැති බවද ඔහු කියයි.වී ගත්තේ පොලොව හාරලා නෙවෙයි.ගොවියාගේ ලේ,දහඩිය, කඳුළු එකතු කරලා.ගොවියාට රුපියල් 60ක් ගෙවලා හාල් රුපියල් 110-115ට දෙන්න පුළුවන්.දැනුත් මිල ඒක නම් ඕන අංක ගණිතය දන්න මෝඩයෙකුට තේරෙන්න ඕන ගොවියාට රුපියල් 60ක් දීම මගින් පාරිභෝගිකයාට අළුත් ප්‍රශ්නයක් ඇති වෙන්නේ නැහැ කියල.