රට රකින ජනපවුර ජාතික ව්‍යාපාරය විසින් සංවිධානය කරන ලද ‘රටට හතුරු 20 එපා!’ විරෝධතා ජනසමුළු මාලාවේ පළමුවැන්න අද (07) කොළඹ මහජන පුස්තකාල ශ්‍රවණාගාරයේදී පැවැත්විණි.

මෙම විරෝධතා ජන සමුළුවට පැමිණි පිරිස පිළිගැනීම ‘රට රකින ජනපවුර’ ජාතික ව්‍යාපාරයේ කැඳවුම්කරු ජානිපෙ ප්‍රධාන ලේකම් නීතීඥ කපිල ගමගේ මහතා සිදුකරන ලදී. ජානිපෙ නායක විමල් වීරවංශ, ප්‍රජාතන්ත්‍රවාදී වාමාංශික පෙරමුණේ නායක වාසුදේව නානායක්කාර, පිවිතුරු හෙළ උරුමයේ නායක උදය ගම්මන්පිල, ශ්‍රී ලංකා පොදුජන පෙරමුණ වෙනුවෙන් මහින්දානන්ද අලුත්ගමගේ, ශ්‍රී ලනිප 16 කණ්ඩායම නියෝජනය කරමින් ඩබ්ලිව්. ඩී. ජේ. සෙනවිරත්න යන පාර්ලිමේන්තු මන්ත්‍රීවරු කෙටි දෙසුම් පැවැත්වූහ.

ඒකාබද්ධ විපක්ෂයේ හා ශ්‍රී ලනිප 16 කණ්ඩායමේ පාර්ලිමේන්තු මන්ත්‍රීවරු, විද්වත්හු, වෘත්තිකයන්,කලාකරුවන් ඇතුළු විශාල පිරිසක් මෙම අවස්ථාවට එක්ව සිටියහ.