සමගි ජනබලවේගය විසින් කොවිඩ් ආසාදිතව මියගිය අය සිහි කරමින් සහ එම ආසාදිතයින් සුවපත් වේවා යන අරමුණින් පවත්වනු ලැබූ අධිෂ්ඨාන පූජාවන් රට පුරා ඊයේ (03 ) පස්වරු 06.06 ට පවත්වන ලදී.

ඒ අනුව සමගි ජනබලවේගය සියලූම ජනතාවගෙන් ඉල්ලා තිබූණේ එම ප‍්‍රාර්ථනය පෙරදැරි කර ගනිමින්, පහනක් දල්වා ඊට සම්බන්ධ වන ලෙසයි. ඒ අනුව සජබ නියෝජිතයන්ගේ ප‍්‍රධානත්වයෙන් ස්ථාන 35කදී අධිෂ්ඨාන පූජාවන් පවත්වනු ලැබීය.

එම පක්ෂයේ පාර්ලිමේන්තු මන්තී‍්‍රවරුන්, නියෝජිතයින්, ආසන සංවිධායකයින් විසින් ප‍්‍රධාන දිස්ති‍්‍රක් ඇතුළු ස්ථාන රැසකදී අධිෂ්ඨාන පූජාව පවත්වන ලදී.සමගි ජනබලවේගය නායක විපක්‍ෂ නායක සජිත් ප්‍රේමදාස මහතා එම අධිෂ්ඨාන පූජාවට සහභාගි විය.