පාරිභෝගික කටයුතු අධිකාරියේ සභාපති විශ්‍රාමික මේජර් ජෙනරාල් ශාන්ත දිසානායක මහතා විසින් අද (02) දිනයේ සිට බලැපැත්වෙන පරිදි අදාළ ගැසට් නිවේදන නිකුත්කර ඇති බව වාර්තා වේ.

ඒ අනුව සුදු සීනි කිලෝවක උපරිම තොග මිල රුපියල් 116 වන අතර සුදු සීනි කිලෝවක උපරිම සිල්ලර මිල රුපියල් 122ක් වන අතර පැකට් කළ සුදු සීනි කිලෝවක උපරිම සිල්ලර මිල රුපියල් 125කි.

මේ අතර දුඹුරු හෝ රතු සීනි කිලෝවකට උපරිම සිල්ලර මිල රුපියල් 125ක් ලෙස මිල නියම කර ඇති අතර පැකට් කළ දුඹුරු හෝ රතු සීනි කිලෝවක උපරිම සිල්ලර මිල රුපියල් 128කි.

සුදු හා රතු කැකුළු කිලෝවක් සඳහා රුපියල් 95 ක් ද සුදු හා රතු නාඩු කිලෝවක් සඳහා රුපියල් 98 ක්, සුදු හා රතු කැකුළු සම්බා කිලෝවක් සඳහා රුපියල් 103ක් ලෙස මිල නියම කරමින් නව ගැසට් නිවේදනය නිකුත් කර තිබෙන අතර කීරි සම්බා කිලෝවක් සඳහා රුපියල් 125ක උපරිම සිල්ලර මිලක්ද නියමකර ඇති බව ද ගැසට් නිවේදනයෙන් කියවේ.