කොළඹ අගරදගුරු මැල්කම් රංජිත් කාදිනල් තුමන් විදේශ අමාත්ය මහාචාර්ය ජී.එල් පීරිස් මහතා වෙත ලිඛිතව දන්වා යවා ඇත්තේ, ජී.එල් පීරිස් මහතා කර ඇති ආරාධනය පිළිගැනීමට නම් පාස්කු ප්රහාරයේ විමර්ශන විනිවිදභාවයකින් සිදුවන බවට විශ්වාසයක් තමා තුළ ඇතිවිය යුතු බවයි.
පාස්කු ඉරුදින ත්රස්ත ප්රහාරයේ පරීක්ෂණවලට අදාළව රජය ගෙන ඇති පියවර සම්බන්ධයෙන් දැනුම්දීම සඳහා සාකච්ඡාවකට පැමිණෙන්නැයි විදේශ අමාත්ය මහාචාර්ය ජී.එල් පීරිස් මහතා කොළඹ අගරදගුරුතුමන්ට කළ ඉල්ලීමට පිළිතුරු ලෙස එසේ දන්වා ඇති බව වාර්තාවේ.
කතෝලික සභාවේ මාධ්ය ප්රකාශක සිරිල් ගාමිණී ප්රනාන්දු පියතුමෝ වැඩිදුරටත් පවසා සිටින්නේ එසේ සාකච්ඡා කරන්නට තමන් විවෘත නමුත් ඒ සඳහා කොන්දේසි කිහිපයක් සම්පූර්ණ විය යුතු බවත් එම කොන්දේසි සම්පූර්ණ වන තුරු සාකච්ඡාවට නොඑන බවත් කාදිනල්තුමා අමාත්යවරයා වෙත ලිපියක් යොමු කරමින් පැහැදිලිව දැනුම් දී ඇති බවයි.
ඒ අනුව පාස්කු ප්රහාරය හා සම්බන්ධ විමර්ශන විශ්වාසනීයත්වයෙන් යුතුව සිදුවීමේ වැදගත්බවත්, එම විශ්වාසය ගොඩනැගීමට නම් පාස්කු ප්රහාරය පිළිබඳ විමර්ශනය කළ ජනාධිපති කොමිෂන් සභාවේ වාර්තාවෙන් ඉදිරිපත් කර ඇති නිර්දේශ ක්රියාත්මක කිරීම ආරම්භ විය යුතු බවත් කාදිනල්තුමා සිය ලිපියෙන් අමාත්යවරයාට දැනුම් දී ඇතැයි ද සිරිල් ගාමිණී ප්රනාන්දු පියතුමෝ වැඩිදුරටත් සඳහන් කළහ.
ජනාධිපති කාර්යාලයේ නීති අධ්යක්ෂවරයා සහ පොලිස්පතිවරයා ඉකුත් දා මාධ්ය හමුවේ කළ ප්රකාශය තුළ ඇතුළත් යම් කරුණුවලින් විශ්වාසය ගොඩනැගීමට වඩා විශ්වාසය පලුදු වී ඇතැයි ද සිරිල් ගාමිණී පියතුමෝ අවධාරණය කරණ අතර සාකච්ඡාවක් කිරීමට අවශ්යනම් විශ්වාසය ගොඩනැගුණු පසු එය පැවැත්විය හැකි බව ද කාදිනල්තුමන් අමාත්යවරයාට දැනුම් දී ඇතැයි සිරිල් ගාමිණී ප්රනාන්දු පියතුමෝ පැවසූහ.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්ය...
අනුරාධපුර දිස්ත්රික් පාර්ලිමේන්තු මන්ත්රී ජනප්රිය රංගන ශිල්පී උද්දික ප්රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්රී ලාංකිකයන් 4 දෙනා නැවතත් ශ්රී ලංකාවට එවීමට...