කොවිඩ් ඩෙල්ටා වෛරසය වැළඳුනහොත් කිසිදු පූර්ව ලක්ෂණයක් නොපෙන්වා ම හෘදයාබාධ ඇති වීමේ දැඩි අවදානමක් පවතින බව කොළඹ ජාතික රෝහලේ හෘද චිකිත්සක ඒකකයේ විශේෂඥ වෛද්ය ගෝඨාභය රණසිංහ මහතා අනතුරු අඟවා ඇත.

එලෙස හඳුනා ගත් රෝගීන් විස්සකට වැඩි සංඛ්යාවක් සඳහා පසුගිය සති කිහිපය තුළ හදිසි ශල්යකර්ම කිරීමට සිදුවූ බවත්, මෙය අතිශයින් බරපතල තත්වයක් බවත් එතුමන් වැඩිදුරටත් පවසා සිටී.

කොවිඩ් පළමු හා දෙවැනි රැලිවලදී එවැනි රෝගීන් දක්නට නොලැබුණු බව කී එතුමන් තුන්වෙනි රැල්ලේ දී මතු වූ ඩෙල්ටා ප්රභේදය හේතුවෙන් මෙම තත්ත්වය දක්නට ලැබුන බව පවසයි.

තවද මෙලෙස හෘදයාබාධයට ලක් වී රෝහල් ගත වන බහුතරයක් අඩු වයසේ පසුවන්නන් බවත්, ඔවුන් හෘදයාබාධයන් ට හේතු වන දියවැඩියාව, කොලස්ටරෝල්, අධි රුධිර පීඩනයන් වැනි රෝගවලින් තොර පුද්ගලයන් බවත් වෛද්ය ගෝඨාභය රණසිංහ මහතා පවසයි.