ආණ්ඩුවට හිතවාදි ප්‍රධාන පෙලේ සීනි ආනයනයකරුවන් කිහිප දෙනෙකු සහ සතොස හිටපු සභාපති නුෂාඩ් එලියතම්බි හෙවත් නුෂාඩ් පෙරේරා යන අයගේ මැදිහත් වීමෙන් සීනි කිග්‍රෑම් එකකට රුපියල් පනහකට ආසන්න බදු සහනයක් දුන් බවට පසුගිය දිනවල චෝදනා එල්ල විය.ඊට පිළිතුරු දුන් ආණ්ඩුවේ පාර්ශව සඳහන් කළේ ඒ මගින් සීනි මිල රුපියල් 105කට අඩු කරණ බවයි.එම බදු සහනය නිසා ජාවාරම්කරුවන්ගේ සාක්කු වලට ගිය සහ ආණ්ඩුවට අහිමි වූ බදු ආදායම රුපියල් මිලියන 15,000කි. එම මුදලින් කන්තලේ සීනි කර්මාන්ත ශාලාව තුනක් ඉදිකළ හැකි බව ක්ෂේත්‍රයේ ප්‍රවීනයන්ගේ අදහසයි.නමුත් එවැනි බදු සහනයක් ලබාගැනීමෙන් පසුව දැන් සීනි මිල රුපියල් 205කට ඉහළ දැමීම බරපතල වරදක් වුවද අමාත්‍යය ලසන්ත අලගියවන්න පවසා සිටින්නේ නීතිය සංශෝධනය කරන තෙක් කිසිවක් කළ නොහැකි බවයි. එසේ වුවත් ක්ෂේත්‍රයේ ප්‍රවීනයන් පවසන්නේ වැඩි මිලට තොග වශයෙන් සීනි විකුණන ආනයනයකරුවන් අසාදු ලේඛනගත කොට ආනයන බලපත්‍ර ක්‍රමයක් යටතේ ඔවුන්ට බලපත්‍ර ලබා දීම අත් හිටුවිය හැකි බවයි.එහෙත් සීනි සහ පොල් තෙල් ආනයනය කරණ වියත් මග සංවිධානයට උදව් කළ ප්‍රභලයෙකු නිසා එවැනි දෙයක් සිදු නොවන බවද ඔවුහු පවසති.