හරියට හරි හාමුදුරුවනේ. අගමැතිතුමා කිව්වට ඒක සහතිකයක් නෙමෙයි. කියන්න ඕනේ ජනාධිපතිතුමා. කියලා විතරක් මදි, ලිඛිතව දෙන්න ඕනේ. අමතක කරන්න හොඳ නැහැ, හාමුදුරුවරු ඉදිරිපත් වුනේ නැත්නම්, ගෝඨාභය මේක කරනවා.
ගෝඨාභය චන්දෙ ඉල්ලන කොට මම ලිව්වා ඔහු කවදාවත් ඇමරිකාව එක්ක තියෙන MCC ගිවිසුම අහෝසි කරනවා කියලා කවදාවත් කිව්වේ නැහැ. ඒක කිව්වේ ඔහු වටේ හිටපු කට්ටිය. ඒ විදිහටම ගෝඨාභය ජනාධිපති වෙච්ච ගමන් MCC ගිවිසුම අහෝසි කරනවා වෙනුවෙට ඒක ක්‍රියාත්මක කරන්න සැලසුම් කළා. අහෝසි කරනවා නම් කමිටු මොකොටද? ඔහුට ඕනේ වුනේ තීරණය කාගේ හරි පිටින් දාල MCC ගිවිසුම ක්‍රියාත්මක කරන්න. දැන් ඔහු විවිධ හේතු කියමින් රටේ ස්වාධිනත්වය සහ ස්වෛරීභාවය ආරක්ෂා කරන්න තියෙන සියලු අණ පනත් වෙනස් කරනවා. එකම හේතුව MCC ගිවිසුම නැවත කරලියට එනකොට ඒකට තියෙන බාධක ඉවත් කරන්න. MCC ගිවිසුම යට ගියේ තාවකාලිකව පමණයි. ඒ හින්ද කලින් මෙහෙම කියපු දේවල් වෙනස් කරලා තියෙන හින්ද, කොළොඹ වරායේ කිසිම කොටසක් ජාතියට අහිමි කරන්නේ හෝ විදේශීය රටවලට හෝ විදේශීය හෝ දේශීය සමාගම් වලට විකුණන්නේ නැහැ කියල ලිඛිත සහතිකයක් ගන්න ඕනේ. ඊළඟට රටේ වටේ කරන අනිත් මහා ජාතික අපරාධ, වනාන්තර විනාශය සහ ඉඩම් විකිණීම් නවත්තගන්නත් ඕනේ. අනිත් රාජ්‍ය සම්පත් ආරක්ෂා කරගන්නත් ඕනේ.