දරුස්මාන් කමිටු සාමාජික යස්මින් සුකා විසින් ශ්‍රී ලංකාවේ හමුදා බුද්ධි ප්‍රධානී මේජර් ජෙනරාල් යුරෙස් සැලේ මහතාට එරෙහිව සර්ව ලෝක නීතිය යටතේ දඬුවම් කළ යුතු බවට ඉල්ලා සිටීම පිළිබඳව ලංකා ලීඩ් විසින් ජාතික සංවිධාන වල මතය විමසන ලදී. මේ වෛද්‍ය වසන්ත බණ්ඩාර මහතාගේ අදහස් ඔහුගේ වචනයෙන්,

” යස්මින් සුකාලට දෙමළ ඩයස්පෝරාවෙන් පඩි ගෙවන්නේ ඒ වැඩේට. ඇය ඉතා හොඳින් තමාගේ රක්ෂාව කරනවා. ඇය ළඟ යුරෙෂ් සැලේ මහත්මයාට පමණක් නොවේ තවත් උසස් හමුදා නිලධාරීන් 58 කගේ චොදනා පත්‍ර තිබෙනවා. ප්‍රශ්ණය තියෙන්නේ ශ්‍රී ලංකා රජයේ ප්‍රවේශයේ. අපි දිගටම කිව්ව 30/1 යෝජනාවෙන් ඉවත් වුනත්, මානව හිමිකම් කවුන්සිලයෙන් ඉවත් උනත් වැඩක් නැහැ, ශ්‍රී ලංකා රජය විසින් තමාගේ හමුදාවට එරෙහිව එල්ල කෙරෙන යුද අපරාධ චෝදනා වලට නිසි පිළිතුරු බැඳලා ඒවා නිෂ්ප්‍රභා කරන්නේ නැති නම්. ඒ නිසා දැන් සුකාට බැන බැන ඉන්නේ නැතිව ඒ වැඩේ කරන්න ඕන වහාම. ”