පසුගිය මැයි 15 වැනිදා සංස්කරණය ඔස්සේ වෙබ් අඩවිය මෙම තොරතුරු පළකර තිබිණි. යම් පරිශීලකයකු විසින් අදාළ ප්‍රශ්නයට නිවැරදි පිළිතුර ලෙස ‘ශ්‍රී ලංකාව’ තෝරාගෙන එහි වැඩිදුර ​තොරතුරු ලෙස ‘දිවයිනේ මෑත කාලීනව පැවැති කැරැල්ලට’ සම්බන්ධ වූ එල්.ටී.ටී.ඊ.ය දෙමළ ඊළාම වෙනුවෙන් පෙනී සිටි විමුක්ති සංවිධානය වන්නේය’ යන්න දක්වා ඇත.

මෙම තොරුතුරු වාර්තා කිරීමත් සමගම ඒ පිළිබඳව දැනුවත් වූ එක්සත් රාජධානියේ ශ්‍රී ලංකා මහ කොමසාරිස් කාර්යාලය වහාම ‘ද ගාර්ඩින්’ වෙබ් අඩවියට සිය විරෝධය පළකර ඇත. එරට ශ්‍රී ලංකා මහකොමසාරිස් සරෝජා සිරිසේන වෙබ් අඩවියේ කර්තෘ කැතරින් විතර් අමතා වහාම අදාළ තොරතුරු ඉවත් කර ගන්නා ලෙස දැනුම් දී තිබේ. ඒ අනුව ශ්‍රී ලංකාවේ විරෝධය පදනම් කරගනිමින් ‘ද ගාර්ඩියන්’ වෙබ් අඩවිය පසුව සිය ප්‍රශ්නාවලියෙන් අදාළ ප්‍රශ්නය සහ පිළිතුරු ඉවත් කරගෙන ඇති අතර ඒ වෙනුවට වෙනත් ප්‍රශ්නයක් ආදේශ කර ඇත.